मुंबई: भारताची टेनिस स्टार सानिया मिर्झा आणि तिचा पती पाकिस्तानचा माजी क्रिकेटपटू शोएब मलिक यांच्यामध्ये सारं काही आलबेल नसल्याच्या चर्चा सुरू होत्या. त्यांच्या घटस्फोटाची चर्चा सुरू असताना एका शोची घोषणा झाली. मलिक मिर्झा शोचं पोस्टर पाहायला मिळालं. त्यामुळे घटस्फोटाची चर्चा प्रसिद्धीचा स्टंट होता असा सर्वांचा समज झाला. मात्र आता सानियाच्या इन्स्टाग्राम पोस्टमुळे अनेकांच्या भुवया उंचावल्या आहेत.

सानिया आणि शोएब मुलाच्या वाढदिवसाला एकत्र दिसले. मात्र सानियाची इन्स्टाग्राम पोस्ट पाहून अनेक जण बुचकळ्यात पडले आहेत. सानियानं इन्स्टावर एक पोस्ट शेअर केली आहे. त्यातून सानियाच्या मनस्थितीची कल्पना केली जाऊ शकते. शोएब आणि सानियामध्ये सगळं आलबेल नसल्याची चर्चा पोस्ट पाहून पुन्हा सुरू झाली आहे.
घटस्फोटाची चर्चा असताना सानिया मिर्झा-शोएब मलिकची मोठी घोषणा; अनेकजण बुचकळ्यात
सानियानं शेअर केलेल्या पोस्टचं कॅप्शन लक्षवेधी आहे. ‘तुम्ही प्रकाश आणि अंधरापासून तयार झालेला माणूस आहात. थोडं कमकुवत वाटत असल्यास स्वत:ला पुरेसं प्रेम द्या. जेव्हा अंतकरण जड वाटत असेल तेव्हा स्वत:ला ब्रेक द्यायला शिका,’ असं मजकूर सानियानं शेअर केलेल्या फोटोमध्ये आहे.

सानियानं याआधीही अशा प्रकारच्या उदासवाण्या पोस्ट केल्या आहेत. याआधी तिनं मुलाचा फोटो शेअर केला होता. कठीण वेळ आहे, असं तिनं फोटोच्या कॅप्शनमध्ये म्हटलं होतं. त्याच पोस्टनंतर सानिया आणि शोएबच्या घटस्फोटाच्या चर्चेनं जोर धरला. सानिया तिच्या इन्स्टा अकाऊंटवरून सातत्यानं इमोशनल पोस्ट शेअर करत आहे.
सानिया मिर्झा-शोएब मलिकचा घटस्फोट निश्चित; पण एकमेव कारणामुळे अद्याप अधिकृत घोषणा नाही
सानियानं काही दिवसांपूर्वी केलेली एक पोस्ट प्रचंड व्हायरल झाली होती. तुटलेली मनं कुठे जातात? अल्लाला शोधतात का? अशी प्रश्नार्थक पोस्ट सानियानं केली होती. मात्र मुलाच्या वाढदिवसाला सानिया आणि शोएब एकत्र दिसले. त्यावेळी सानियानं केलेली पोस्टही लक्षवेधी होती. ‘जेव्हा तुझा जन्म झाला, तेव्हा आम्ही अधिक विनम्र झालो आणि आयुष्य आमच्यासाठी विशेष होतं. आपण भले सोबत नसू आणि रोज भेटत नसू, मात्र बाबा प्रत्येक क्षणी तुझ्या आणि तुझ्या हास्याचा विचार करतो. तू अल्लाहकडे जे मागतोस, ते सर्व तुला मिळावं,’ असं सानियानं पोस्टमध्ये म्हटलं होतं.



Source link

Leave a Reply

Your email address will not be published. Required fields are marked *