मुंबई: पत्राचाळ प्रकरणात अटकेत असलेल्या शिवसेना खासदार संजय राऊत यांचा अडचणी दिवसेंदिवस (Sanjay Raut Patrachawl Money Laundering Case) वाढू लागल्या आहेत. ईडीच्या तपासात या प्रकरणी दररोज नवी माहिती समोर येते आहे. पत्राचाळीच्या या कथित घोटाळ्यातून आलेले बेहिशेबी पैसे संजय राऊतांनी आपल्या कुटुंबीयांच्या नावे सुरू केलेल्या बनावट कंपन्यांमध्ये वळवले, असा दावा स्वप्ना पाटकर यांनी केला आहे. दरम्यान धक्कादायक बाब अशी आहे की त्यांनीअसाही दावा केला आहे की, त्यांनी राऊत यांनी हे बेहिशेबी पैसे ठाकरे सिनेमामध्ये गुंतवले होते. स्वप्ना पाटकर या सक्तवसूली संचालनालयाकडून (ED) केल्या जाणाऱ्या चौकशीत महत्त्वाच्या साक्षीदार आहेत.

हे वाचा-‘धर्मवीर’चं कठीण कास्टिंग, ५ महिन्यातच पूर्ण करायचं होतं शूटिंग; तरडेंना फुटलेला घाम

गोरेगावमधील पत्राचाळ पुनर्विकास प्रकल्पात आर्थिक गैरव्यवहार झाले असून त्यात राऊत आणि त्यांच्या पत्नीच्या खात्यात पैसे जमा झाल्याचा आरोप आहे. ठाकरे सिनेमाबाबत बोलायचे झाले तर पाटकर यांनी ईडी चौकशीत असे म्हटले आहे की, राऊतर्स एंटरटेनमेंट एलएलपी कंपनीच्या माध्यमातून ‘ठाकरे’ सिनेमा काढण्यात आला होता. त्यासाठी राऊतांनी बेहिशेबी पैसे वापरल्याचा दावा पाटकरांनी केला आहे.

या मनी लाँड्रिंग प्रकरणात राऊत १ ऑगस्टपासून कोठडीत आहेत. सक्तवसूली संचालनालयाने या प्रकरणात अलीकडेच पुरवणी आरोपपत्र दाखल केले आहे, ज्यात राऊत यांना आरोपी दाखवले गेले आहे. संजय राऊत यांच्या जामीन अर्जावर बुधवारी (२१ सप्टेंबर २०२२) सुनावणी होऊ शकते. पुरवणी आरोपपत्रात पाटकरच्या जबाबाचा समावेश आहे.

हे वाचा-घोटाळ्यातून आलेले बेहिशेबी पैसे राऊत यांनी बनावट कंपन्यांत वळवले; स्वप्ना पाटकरांचा दावा

पाटकर यांनी असा दावा केला आहे की, ‘राऊत यांनी राऊतर्स एंटरटेन्मेंट एलएलपी नावाची कंपनी स्थापन केली. त्याद्वारे त्यांनी ठाकरे या चित्रपटाची निर्मिती केली. त्या प्रकल्पात त्यांनी आपले बेहिशेबी पैसे वळवले. एप्रिल-२०२१मध्ये मद्य व्यवसायाच्या एका कंपनीतही त्यांचे स्वारस्य होते. अलीकडच्या काळात कुटुंबीयांच्या नावे बनावट कंपन्या सुरू करूनही त्यात बेहिशेबी पैसे वळवणे त्यांनी सुरू केले होते’.

पाटकर यांचा असा दावा आहे की, राऊतांच्या म्हणण्यानुसार ते या कंपनीशी निगडीत नाहीत. त्याची पत्नी आणि मुलगी ही कंपनी चालवतात. त्यांनी एका मराठी सिनेमाच्या माध्यमातूनही ५० लाखांचा लाभ मिळवल्याचा आरोप त्यांनी केला आहे. पाटकरांच्या मते हा सिनेमा बाळासाहेब ठाकरेंना श्रद्धांजली म्हणून काढण्यात आलेला.



Source link

Leave a Reply

Your email address will not be published.