मुंबई : शिवसेनेचा दसरा मेळावा दरवर्षी ऐतिहासिक शिवतीर्थावर होतो. पण यंदा शिवसेनेत बंडखोरी करून एकनाथ शिंदे यांनी राज्यात सत्तांतर घडविले. शिंदे गटाने खरी शिवसेना आपलीच असल्याचा दावा करून दसरा मेळावा घेण्याचा निर्धार केला. शिवसेनेच्या दोन्ही गटांनी दसरा मेळावा घेण्यासाठी दादरच्या शिवाजी पार्कची मागणी केली असली, तरी अद्याप मुंबई महानगरपालिकेने कोणताही निर्णय घेतलेला नाही. अशा परिस्थितीत वांद्रे कुर्ला संकुलातील एमएमआरडी मैदान मिळावं याकरिता बंडखोर गटाने केलेला अर्ज एमएमआरडीने स्वीकारला असून शिवसेनेने (उद्धव ठाकरे) ज्या मैदानासाठी अर्ज केला होता, ते मैदान आरक्षित असल्याने तो अर्ज फेटाळण्यात आला आहे. शिंदे गटाने ज्या मैदानासाठी अर्ज केला होता, ते मैदान आरक्षित नव्हते, त्यामुळे त्यांचा अर्ज स्वीकारण्यात आला. त्यामुळे दोन्ही गटांना शिवाजी पार्कचा पर्याय नाकारल्यास शिंदे गटाला बीकेसीचा पर्याय उपलब्ध असेल तर दुसरीकडे सेनेच्या जागेबाबत मात्र प्रश्नचिन्ह कायम आहे.

शिवसेनेच्या दोन्ही गटांनी दसरा मेळावा घेण्यासाठी दादरच्या शिवाजी पार्कची मागणी केली असली, तरी अद्याप मुंबई महानगरपालिकेने कोणताही निर्णय घेतलेला नाही. अशा परिस्थितीत दोन्ही गटांकडून पर्यायी जागेची चाचपणी सुरु होती. बीकेसीमधल्या मैदानासाठी उद्धव ठाकरे आणि एकनाथ शिंदे प्रयत्नशील होते. मात्र ज्या मैदानाची मागणी ठाकरेंकडून करण्यात आली ते मैदान आरक्षित असल्याने ठाकरेंचा अर्ज फेटाळण्यात आला असून शिंदे गटाचा अर्ज स्वीकारण्यात आलाय.

शिवसेनेचा दसरा मेळावा शिवाजी पार्कवरच होणार : उद्धव ठाकरे

दसरा मेळाव्यासाठी मुंबई महानगरपालिका कुणाला परवानगी देते हे पाहणे महत्त्वाचे असणार आहे. पण तत्पूर्वी पर्यायी जागांचा विचार म्हणून सध्यातरी एकनाथ शिंदेंनी आघाडी मारल्याचं दिसून येत आहे. दुसरीकडे शिवसेनेचा दसरा मेळावा शिवाजी पार्कवरच होणार, असं उद्धव ठाकरे यांनी काल ठणकावून सांगितलं. ‘सालाबादप्रमाणे यंदाचा दसरा मेळावा दादरच्या शिवतीर्थावरच होणार आहे. त्याबद्दल कोणताही संभ्रम नको. दसरा मेळाव्याच्या तयारीसाठी शिवसेनेच्या सर्व आघाड्यांनी कामाला लागावे,’ असा आदेश उद्धव ठाकरे यांनी शिवसेना पदाधिकाऱ्यांना दिला.

उद्धव ठाकरेंची कोंडी होणार?

दसरा मेळाव्यासाठी शिवाजी पार्क मैदान कुणाला मिळणार, हे अद्याप अस्पष्ट असल्याने कायदा आणि सुव्यवस्थेचा प्रश्न विचारात घेऊन दोन्ही गटांना महापालिका परवानगी नाकारण्याची शक्यता आहे. जर दोन्ही गटांना परवानगी नाकारली तर एकनाथ शिंदे यांच्याकडे बीकेसीमधील मैदानाचा पर्याय असेल तर शिवसेनेची मात्र कोंडी होणार आहे.



Source link

Leave a Reply

Your email address will not be published.