डोंबिवली : कल्याण -डोंबिवलीत खड्ड्यांवरून रंगलेल्या शिंदे गट आणि भाजपमधील राजकारणात आता ठाकरे गटाने उडी घेतली आहे. या प्रकरणी डोंबिवलीमधील शिवसेना आक्रमक झाली आहे. डोंबिवलीमधील शिवसेनेने ( ठाकरे गट ) पत्रकार परिषद घेत भाजप आमदार आणि कॅबिनेट मंत्री रविंद्र चव्हाण यांच्यावर टीका केली आहे. कॅबिनेट मंत्री रविंद्र चव्हाण यांनी केलेले भाषण हे डोंबिवलीकरांची सहानूभूती मिळवण्यासाठी आहे, असा टोला शिवसेनेने लगावला आहे. पत्रकार परिषदेत शिवसेनेचे जिल्हाप्रमुख ( Shiv Sena Leader Sadanand Tharwal ) सदानंद थरवळ, डोंबिवली शहरप्रमुख विवेक खामकर, कविता गावंड, सतीश मोडक आणि पदाधिकारी उपस्थित होते.

डोंबिवलीत शिवसेनेचे जिल्हाप्रमुख सदानंद थरवळ यांनी पत्रकार परिषद घेत भाजप आमदार आणि कॅबिनेट मंत्री रविंद्र चव्हाण यांच्यावर जोरदार टीका केली. चव्हाणांचे हे भाषण केवळ डोंबिवलीकरांची सहानुभूती मिळविण्यासाठी आहे. त्यांना खरोखरच करायचं होतं, तर ते साडे तीन वर्षे राज्यमंत्री होते. आता कॅबिनेट मंत्री आहेत. त्यांनी ठोस पावले उचलली पाहिजेत, तरच या डोंबिवलीमध्ये काही तरी सुधारणा होईल. जर निधी रद्द करण्यात आला होता, तर विधानसभेत लक्षवेधी मांडायची होती. त्यांनी लक्षवेधी मांडली असती आणि त्यासंबंधी बोललो तरी लक्ष दिले नाही, मग आपण समजू शकलो असतो. आमदार म्हणून चव्हाण हेच सर्वस्वी जबाबदार आहेत. अल्प कालावधीमध्ये डोंबिवलीकरांनी त्यांना चांगली संधी दिली होती. पण दुर्दैवाने त्यांना डोंबिवलीसाठी काही करता आले नाही. ही वस्तुस्थिती आहे. कदाचित उद्या ते त्याची वेगवेगळी कारणे देतील. उगाच हवेत बोलणारी आम्ही मंडळी नाही. आम्ही पूर्ण पुरावे गोळा करून याविषयी रस्त्यावर उतरणार, असा इशारा सदानंद थरवळ यांनी दिला.

Eknath Shinde : भाजपच्या मंत्र्याचा थेट मुख्यमंत्र्यांवर निशाणा!, ‘त्यावेळी केलेले पाप आता धुवून काढा’

चव्हाण यांना मंत्रिपद मिळाले त्याच्या शुभेच्छा दिल्यात. आता तरी त्यांनी डोंबिवली विधानसभा क्षेत्राकडे लक्ष द्यावे. डोंबिवलीची परिस्थिती खूप वाईट झालेली आहे. ते ४७२ कोटी पुन्हा आणत आहेत. निश्चित आणावे त्यांनी. पण त्याचबरोबर ती कामं करून घेताना ती चांगल्या पद्धतीने कशी होतील याकडे लक्ष दिले पाहिजे. नाहितर कितीही कोटी रुपये आले तरी त्याचा उपयोग नाही, असं म्हणत सदानंद थरवळ यांनी चव्हाणांवर निशाणा साधला.

MNS MLA : शिंदे गट – भाजप वादात मनसे आमदाराची उडी; ‘एकमेकांची पापे कशाला धुता…’

काय म्हणाले होते मनसे आमदार राजू पाटील…

रविंद्र चव्हाण जे बोलते त्याचं मी समर्थन करतो. नशिबाचा तो फेरा उलटा फिरत होता, आता आपल्यावर तो उलटा न फिरता कुठेतरी सत्तेत चांगली वरची खुर्ची उपभोगता येते आहे, तर एकमेकांची पापे कशाला धुता. त्यापेक्षा लोकांची कामे करून पुण्य कमवा, त्या दुवा तुम्हला पुढे कामाला येतील, असं राजू पाटील म्हणाले.

Leopard : सावधान! बदलापूर-वांगणीदरम्यान बिबट्याचा धुमाकूळ, वन विभागाने लावले फलक

त्यावेळी केलेले पाप आता धुवून काढा – रवींद्र चव्हाण

डोंबिवलीत एका कार्यक्रमात रविवारी मंत्री रविंद्र चव्हाण यांनी उपस्थित लावली होती. यावेळी त्यांनी डोंबिवलीमधील सद्य परिस्थितीवर भाषण केले. राज्यात भाजपची सत्ता असताना डोंबिवली शहरासाठी ४७२ कोटीचे रस्ते मंजूर करून घेत या रस्त्याचा डीपीआर तयार करत निविदा देखील काढल्या होत्या. मात्र त्यानंतर सरकार गेल्याने नंतरच्या सरकारमधल्या कोणाला तरी दुर्बुद्धी सुचली, कोणाला ते माहित आहे. पण वित्तीय मान्यता असलेला निधी रद्द करण्यात आला. ज्यांनी कोणी रद्द केला. आता हा निधी पुन्हा मंजूर करण्याची जबाबदारी त्यांचीच आहे. मंजुरीसाठी ते प्रस्ताव पुन्हा सादर करा, असं लिहिलं. पण त्यालाही एक महिना झालाय. यामुळेच त्यावेळी केलेले पाप आता धुवून टाका, असा उपहासात्मक सल्ला त्यांनी नाव न घेता मुख्यमंत्री एकनाथ शिंदे यांना दिला.



Source link

Leave a Reply

Your email address will not be published.