अकोला : शिवसेनेचे आमदार नितीन देशमुख (Nitin Desmukh) यांच्या विरुद्ध अमरावतीच्या लाचलुचपत प्रतिबंधक विभागाच्या कार्यालयात तक्रार देण्यात आलीय. देशमुख यांच्याकडे कंपनी, कारखाने, यांसह अनेक शेत-जमिनी असल्याचा आरोप करीत अकोल्यातील एका व्यक्तीने अमरावतीच्या लाचलुचपत प्रतिबंधक विभागात (ACB) तक्रार दिली आहे. ही माहिती आज शिवसेना आमदार नितीन देशमुख यांनी प्रसार माध्यमांशी बोलतांना दिली आहे. (a complaint against shiv sena mla nitin deshmukh has been lodged with the acb)

दरम्यान, माझ्याविरुद्ध तक्रार करणारा हा अकोल्यातील सराईत गुन्हेगार असून त्याच्यावर खंडणी, लुटमारी, ३२३, ३२६, ३०७ यासारखे अनेक गुन्हे दाखल आहेत. या तक्रारदाराला अकोल्यातील भूखंड माफिया, म्हणजे अकोल्याच्याच शिवसेनेच्या माजी आमदाराचा पाठिंबा आहे. याबरोबरच शिंदे गट आणि भारतीय जनता पार्टीचा देखील पाठिंबा असल्याचे देशमुख म्हणाले.

दरम्यान, अमरावतीच्या एसीबीच्या काही लोकांनी बाळापूर परिसरात म्हणजेच देशमुख यांच्या मतदारसंघात पाहणी करून देशमुख यांच्या संदर्भात चौकशी केल्याचे नितीन देशमुख यांचे म्हणणे आहे. मात्र अद्याप पर्यंत अमरावतीच्या एसीबीकडून कोणतेही नोटीस मला बजावण्यात आली नसल्याचे देशमुख म्हणाले. नितीन देशमुख हे शिवसेनेचे अकोला जिल्ह्यातील बाळापुर मतदार संघाचे आमदार आहेत.

माझ्यासोबत फिरा, मी मुंबईत टॉयलेट दाखवितो; अरविंद सावंत यांचे अनुराग ठाकूर यांना प्रत्युत्तर
एसीबीच्या कार्यालयातून फोन आला की…

दरम्यान, आपल्याला एसीबीच्या कार्यालयातून एक फोन आला होता. तुमची एसीबी कार्यालयात तक्रार झालेली आहे. आपलं जे काय असणार ते एकदा वर जाऊन भेटून प्रकरण मिटवून घ्यावं. आता वर जाऊन म्हणजे नेमकं कुणाला भेटावं, कोणाशी भेटावं, असाही प्रश्न आमदार नितीन देशमुख यांनी उपस्थित केला आहे. दरम्यान, आतापर्यंत असे कोणतेही उलटे सुलटे धंदे केलेले नाहीत. त्यामुळे भितीचा आणि वरती भेटण्यासाठी जाण्याचाही प्रश्न नाही, असेही देशमुख म्हणाले.

प्रकाश आंबेडकर आणि उद्धव ठाकरे एकत्र येणार का?; शिवसेना खासदार अरविंद सावंत म्हणाले…
‘भाजपच्या एकाही व्यक्तीवर ईडीची कारवाई नाही’

आतापर्यंत राज्यात ईडी कडून फक्त मराठी माणसांवर कारवाया झाल्या. अन्य लोक काय लोटे घेवून आले का? त्यांच्याकडे देखील अब्जो रुपयांच्या संपत्ती आहेत. दरम्यान, भाजपच्या लोकांनी आतापर्यंत अब्जावधी रुपयांच्या संपत्ती गोळा केल्या आहेत. जवळपास ३५०च्या वर लोकसभा खासदार भारतीय जनता पार्टीचे आहेत, १ हजारांवर त्यांचे आमदार आहे. परंतु यातील एकाही व्यक्तीवर आतापर्यंत इडी असो एसीबी असो, कारवाई झाली नाही. यांच्या किती संपती आहे. कुठून आणला यांनी एवढा पैसा? असे प्रश्न नितीन देशमुख यांनी उपस्थित केला आहे. मराठी माणसांकडे मागील पिढीची संपत्ती आहे, हा महाराष्ट्र मराठी माणसाचा आहे. परंतु मराठी माणसाचे खच्चीकरण करण्याचे काम भाजप करत असल्याचाही आरोप त्यांनी केलाय.

अकोल्यात पावसाची तुफान बॅटिंग; रस्त्यांच्या झाल्या नद्या, अनेकांच्या घरात शिरले पाणी
एसीबीच्या चौकशीची धमक्या येत असल्याचा गौप्यस्फोट

दरम्यान, अनेकदा लाचलूचपत प्रतिबंधक विभागाच्या चौकशीची धमकी देण्यात येत असल्याचा गौप्यस्फोट आमदार नितीन देशमुख यांनी काल अकोल्यात आयोजित शिवसैनिकांच्या मेळाव्यात बोताना केला होता. मात्र तुरुंगात डांबले तरी आपण कदापी शिवसेना सोडणार नाही. खंडणीबहाद्दरांच्या तक्रारीवरून चुकीच्या पद्धतीने चौकशीची भिती दाखविण्यात येत असून, अशा धमक्यांना आम्ही घाबरत नाही. एसीबीऐवजी इडीचे छापा टाकल्यास माझे नाव तरी आणखी मोठं होईल, असा टोलाही त्यांनी नाव न घेता भाजपला लगावला होता.

दरम्यान, एसीबीच्या सूत्रांनी दिलेल्या माहितीनुसार आमदार नितीन देशमुख यांची संपूर्ण चौकशी एसीबीच्या विभागाकडून करण्यात आली आहे. असेही कळते, अतिरिक्त पोलीस अधीक्षक देविदास घेवारे यांनी या प्रकरणात चौकशी केल्याचं सद्यस्थितीत कळते आहे, तसेच याचा अहवाल देखील वरिष्ठांकडे सादर केल्याचं समोर आलं आहे. शासनाला सादर केलेला अहवाल गोपनीय असल्यामुळे अहवालात नेमकं काय हे समजू कळू शकले नाहीय. या संदर्भात एसीबीच्या अधिकाऱ्यांना अधिकृतपणे विचारले असता त्यांनी असे प्रकरण गोपनीय असतात, त्यामुळे आम्ही तुम्हाला काही सांगू शकत नाही, असे सांगितले.



Source link

Leave a Reply

Your email address will not be published.