महाराष्ट्रासह देशविदेशातील राजकीय, सामाजिक, क्रीडा, मनोरंजन आणि मोठ्या घटनांसंबंधी आजच्या दिवसभरातील बातम्या वाचा एका क्लिकवर…


मटा ऑनलाइन टॉप १० न्यूज

१. शिंदे-फडणवीस सरकारचा मोठा निर्णय, निती आयोगाच्या धर्तीवर राज्यात स्वतंत्र संस्था उभारणार

केंद्र सरकारने भारतीय अर्थव्यवस्था ट्रिलियन डॉलर्सची करण्याचा महत्त्वाकांक्षी प्रकल्प हाती घेतला आहे. त्यादृष्टीने वाटचाल करण्यासाठी महाराष्ट्रात स्वतंत्र संस्था स्थापन होईल. ही संस्था सरकारी मालमत्तांचे निर्गुंतवणुकीकरण, कृषी क्षेत्रात ब्लॉकचेन आणि आधुनिक तंत्रज्ञानाचा वापरत, दळणवळण अशा वेगवेगळ्या क्षेत्रांमध्ये काम करेल.

२. शिंदे गटाच्या दसरा मेळाव्याची जागा ठरली; शिवसेनेने पण तयारी केली, मात्र गेम फसला!

शिवसेनेचा दसरा मेळावा हा दर वर्षी शिवतीर्थावर होतो. पण यंदा शिवसेनेत बंडखोरी करून एकनाथ शिंदे यांनी राज्यात सत्तांतर घडविले. शिंदे गटाने खरी शिवसेना आपलीच असल्याचा दावा करून दसरा मेळावा घेण्याचे संकेत दिले. शिवसेनेच्या दोन्ही गटांनी दसरा मेळावा घेण्यासाठी दादरच्या शिवाजी पार्कची मागणी केली असली, तरी अद्याप मुंबई महानगरपालिकेने कोणताही निर्णय घेतलेला नाही.

३. एकनाथ शिंदे यांनी उद्धव ठाकरेंना टाळी मागितली; म्हणाले, क्षमा करायला….

भारत जैन महामंडळ यांच्या वतीने आयोजित विश्व मैत्री दिवसाच्या क्षमापना समारोहाला मुख्यमंत्री एकनाथ शिंदे यांनी उपस्थित राहून जैन साधू आणि साध्वींना अभिवादन करून त्यांचे आशिर्वाद घेतले. या कार्यक्रमाला मुख्यमंत्र्यांसोबत राज्यपाल भगतसिंह कोश्यारी, मंत्री मंगलप्रभात लोढा उपस्थित होते.

४. भाजपच्या मंत्र्याचा थेट मुख्यमंत्र्यांवर निशाणा!, ‘त्यावेळी केलेले पाप आता धुवून काढा’

डोंबिवलीत एका शाळेतील कार्यक्रमात सार्वजनिक बांधकाम मंत्री रविंद्र चव्हाण यांनी उपस्थिती लावली. यावेळी त्यांनी डोंबिवलीमधील सध्याच्या परिस्थितीवर भाष्य केले. रविंद्र चव्हाण यांनी यावेळी मुख्यमंत्री शिंदे यांचा उल्लेख टाळत त्यांना टोला लगावत आणि सल्ला दिल्याची चर्चा आहे.

५. नागपूरमध्ये पक्ष वाढवायचा असेल तर प्रस्थापितांशी लढावं लागेल : राज ठाकरे

राज ठाकरे म्हणाले, आपल्याजवळ तीन महिन्यांचा कालावधी आहे. कामात मागे पडू नका, जोरदार काम करा, अशा सूचना त्यांनी महापालिका निवडणुकीच्या अनुषंगाने मनसे कार्यकर्त्यांना आणि पदाधिकाऱ्यांना दिल्या. आगामी महापालिका निवडणुकीच्या तोंडावर आपल्याजवळ जे काही शिल्लक दिवस आहे, त्या दिवसांत प्रचंड काम करा…

६. राज ठाकरे स्वत:च्या पक्षाचं काम करताहेत पाहून आनंद वाटला; जयंत पाटलांचा खोचक टोला

गेल्या काही दिवसांमध्ये राज ठाकरे आणि भाजपची जवळीक वाढली आहे. भाजपचे अनेक नेते हे कृष्णकुंज राज ठाकरे यांच्या निवासस्थानी जाऊन भेट घेत आहेत.तर अनेकदा उपमुख्यमंत्री देवेंद्र फडणवीस यांनी भेट घेतलेले फोटो आणि व्हिडिओ सोशल मीडियावर व्हायरल झाले होते.

७. प्रकाश आंबेडकर आणि उद्धव ठाकरे एकत्र येणार का?; शिवसेना खासदार अरविंद सावत म्हणाले…

आज अनेक प्रश्न निर्माण होत आहेत, म्हणून आता ज्यांना ज्यांना वाटतं की भारताचे संविधान सुरक्षित व्हावं, देशाची जातीय अवस्था निर्मूलन होवून न्याय व्यवस्था उभी राहावी. मग ती सामाजिक न्यायाची असो, आर्थिक न्यायाची असो, शैक्षणिक न्यायाची असो, यासाठी सर्वांनी एकत्र आलं पाहिजे, असे आवाहन शिवसेनेचे खासदार अरविंद सावंत यांनी केले आहे.

८. मराठा समाजातील छुप्या असंतोषाचा कधीही उद्रेक होईल, राज्य सरकारला दिला अल्टिमेटम

राज्यात सत्तांतर होताच मराठा आरक्षणाचा मुद्दा पुन्हा तापू लागला आहे. मराठा आरक्षणासाठी मराठा समाजाने पुन्हा मोर्चे काढण्याचा इशारा दिला आहे. यासंदर्भात सोलापूरमध्ये मराठा आरक्षण परिषद झाली. या परिषदेनंतर मराठा समाजाच्या प्रतिनिधींनी ओबीसी राजकीय आरक्षणाचा दाखला देत राज्य सरकारला अल्टिमेटमही दिला आहे.

९. ऑस्ट्रेलियन गोलंदाजांसाठी धोक्याचा इशारा, भारताची रन मशीन पुन्हा उडवणार धुव्वा

विराट कोहली कोणत्याही गोलंदाजाला सोडत नसला तरी समोर ऑस्ट्रेलियन गोलंदाजांना पाहून विराटचे जणू रक्त खवळते आणि त्याची बॅट तलवारीसारखी चालते.

१०. आमच्यात मैत्री वगैरे काही नाही, अमृताबद्दल स्पष्टच बोलली सोनाली कुलकर्णी

‘बस बाई बस’ या वेगळ्या कार्यक्रमाच्या निमित्तानं अभिनेता सुबोध भावे पुन्हा टीव्हीविश्वाकडं वळला आहे. आज महिला सर्वच क्षेत्रात महत्त्वाच्या जबाबदाऱ्या निभावताना दिसताहेत. अशाच विविध क्षेत्रातील मान्यवर महिला या कार्यक्रमात सहभागी होताहेत.



Source link

Leave a Reply

Your email address will not be published.