बंगळुरू- अभिनेत्री श्रद्धा कपूरचा भाऊ सिद्धांत कपूर मोठ्या अडचणीत सापडला आहे. सिद्धांत एक अभिनेता असून त्याने काही सिनेमांमध्ये काम केलं आङे. त्याच्यावर ड्रग्ज घेतल्याचा आरोप आहे, त्यानंतर पोलिसांनी त्याला ताब्यात घेतले. सुशांतसिंह राजपूतच्या मृत्यूनंतर ओपन ड्रग्ज प्रकरणात अनेक सिनेमे आणि टीव्ही स्टार्सची नावे समोर आली आहेत. यामध्ये दीपिका पादुकोणपासून रिया चक्रवर्तीसह अनन्या पांडे, भारती सिंग आणि हर्ष लिंबाचिया यांची चौकशी करण्यात आली. आता या यादीत सिद्धांत कपूरचे नाव जोडले गेले आहे.

Photos: अंकिता लोखंडे आणि विक्की जैन यांचं नवीन घर पाहिलंत का?

बेंगळुरूमध्ये छापा टाकून बेंगळुरू पोलिसांनी सिद्धांतला ताब्यात घेण्यात आले आहे. त्याच्यावर ड्रग्ज घेतल्याचा आरोप आहे. बेंगळुरू पोलिसांनी एएनआयला सांगितले की, सिद्धांतसह सहा लोक ड्रग्ज सेवनात पॉझिटिव्ह आढळले आहेत. सर्व लोक बंगळुरूमधील एमजी रोडवरील एका हॉटेलमध्ये होते, जिथे पार्टी सुरू होती. माहिती मिळताच पोलिसांनी तत्काळ तेथे पोहोचून छापा टाकला. सध्या तरी या प्रकरणी श्रद्धा कपूर किंवा तिचे वडील शक्ती कपूर यांच्याकडून कोणतेही वक्तव्य आलेले नाही.

सुशांतशी संबंधित ड्रग्जप्रकरणी श्रद्धा कपूरची चौकशी करण्यात आली

पोलिसांनी दिलेल्या माहितीनुसार, ड्रग्जच्या तपासात सिद्धांतचा अहवाल पॉझिटिव्ह आला असून त्याला अलसूर पोलीस ठाण्यात नेण्यात आले आहे. सुशांतसिंह राजपूतच्या मृत्यूनंतर ओपन ड्रग्ज प्रकरणात सिद्धांतची बहीण आणि अभिनेत्री श्रद्धा कपूर ची एनसीबीने चौकशी केली होती. पण त्यातून काही निष्पन्न झाले नव्हते. आता मुलगा सिद्धांतच्या ड्रग्ज सेवनाच्या बातमीने वडील शक्ती कपूर यांना धक्का बसला आहे. ई-टाइम्सने शक्ती कपूर यांना सिद्धांतला पोलिसांनी ताब्यात घेतल्याबद्दल विचारले तेव्हा ते म्हणाले की, ‘मी आत्ता फक्त एक गोष्ट सांगू शकतो की ते शक्य नाही.’

तो ड्रग्ज घेऊन पार्टीत आला होता की पार्टीमध्ये ड्रग्ज घेतले होते हेही स्पष्ट झालेले नाही

अद्याप या प्रकरणी श्रद्धा कपूर किंवा तिचे वडील शक्ती कपूर यांच्याकडून कोणतेही वक्तव्य आलेले नाही. सिद्धांत कपूरला रविवारी रात्री म्हणजेच १२ जूनच्या रात्री ताब्यात घेण्यात आले. पोलिसांनी दिलेल्या माहितीनुसार, हॉटेलमधील पार्टीदरम्यान सर्वजणांनी अंमली पदार्थांचे सेवन केले होते की ते ड्रग्ज घेऊन पार्टीला आले होते, हे अद्याप समजू शकलेले नाही.

या सिनेमांमध्ये दिसला शक्ती कपूरांचा मुलगा सिद्धांत

त्याच्या कारकिर्दीबद्दल बोलायचे झाले तर, शक्ती कपूर यांचा मुलगा सिद्धांने सहाय्यक दिग्दर्शक म्हणून आपल्या करिअरची सुरुवात केली. ‘भूल भुलैया’, ‘भागम भाग’, ‘चुप चुपके’ आणि ‘ढोल’ यांसारख्या सिनेमांसाठी त्याने सहाय्यक दिग्दर्शक म्हणून काम केले. २०१३ मध्ये त्याने संजय गुप्ता यांच्या ‘शूटआउट अॅट वडाळा’ सिनेमात काम केले होते. यानंतर तो ‘अग्ली’ सिनेमा आणि ‘भौकाल’ या वेबसीरिजमध्येही दिसला.



Source link

Leave a Reply

Your email address will not be published.