मुंबई : मुंबई महापालिकेच्या कर्मचाऱ्यांना यावर्षी २६ हजार रुपये सानुग्रह अनुदान देण्याची घोषणा मुख्यमंत्री एकनाथ शिंदे यांनी आज येथे केली. गतवर्षीच्या तुलनेत ३५०० रुपयांची वाढ देण्याचा निर्णय घेण्यात आला. वर्षा निवासस्थानी यासंदर्भात मुंबई महापालिकेच्या सर्व कामगार, कर्मचारी संघटनांच्या प्रतिनिधींची बैठक झाली. त्यावेळी मुख्यमंत्री एकनाथ शिंदे यांनी हा निर्णय जाहीर केला. बुधवारी (आज) दुपारीच शिवसेना ठाकरे गटाचे नेते आदित्य ठाकरे यांनी ट्विट करून दिवाळी बोनसवरून मुख्यमंत्र्यांना सवाल केला होता. त्यानंतर काही तासांतच मुख्यमंत्र्यांनी दिवाळी बोनस देण्याची घोषणा केली.
दिवाळी अगदी तोंडावर आलेली असताना मुंबई महापालिका आणि बेस्टचे कर्मचारी अद्याप बोनसची वाट पाहत होते. कित्येक वर्षांत पहिल्यांदाच बीएमसी आणि बेस्टच्या कर्मचाऱ्यांना बोनस मिळणार की नाही? याबाबत संभ्रम होता. परंतु मुख्यमंत्र्यांनी सर्व कामगार, कर्मचारी संघटनांच्या प्रतिनिधींच्या बैठकीनंतर सानुग्रह अनुदान देण्याची घोषणा केली.
दिवाळी अगदी तोंडावर आलेली असताना मुंबई महापालिका आणि बेस्टचे कर्मचारी अद्याप बोनसची वाट पाहत होते. कित्येक वर्षांत पहिल्यांदाच बीएमसी आणि बेस्टच्या कर्मचाऱ्यांना बोनस मिळणार की नाही? याबाबत संभ्रम होता. परंतु मुख्यमंत्र्यांनी सर्व कामगार, कर्मचारी संघटनांच्या प्रतिनिधींच्या बैठकीनंतर सानुग्रह अनुदान देण्याची घोषणा केली.
आदित्य ठाकरे यांचं आजचं ट्विट
माझा बीएमसी महापालिका आयुक्तांना एक महत्त्वाचा प्रश्न… अनेक दशकांनंतर पहिल्यांदाच मुंबई महापालिका आणि ‘बेस्ट’च्या कर्मचाऱ्यांना त्यांचा दिवाळी बोनस अद्याप मिळालेला नाही. मुख्यमंत्री कार्यालयाच्या माध्यमातून बीएमसी चालवणारे खोके सरकार (लोकप्रतिनिधींच्या अनुपस्थितीत) दिवाळी बोनस देणार आहे की नाही? देणार असेल, तर कधी? दिवाळी संपल्यावर?”, असा सवाल आदित्य ठाकरे यांनी ट्विट करून विचारला होता.
ठळक मुद्दे
- पालिका कर्मचाऱ्यांना दिवाळी बोनस रू २६ हजार, इन्कम टॅक्स कापणार नाही.
- आरोग्य सेविकांना एक पगार किंवा ३५०० अधिक
- रू. ५ लाखाची गटविमा पॉलिसी १ जानेवारी २०२४ पासून सुरू होणार
- आरोग्य सेविकांना गेल्या वर्षी ९ हजार रुपये दिले होते, या वर्षी ११ हजार मिळणार.
- आज वर्षा बंगल्यावर ६ वाजता सभा सुरू झाली होती.