बॉलिवूड अभिनेत्री सोनम कपूरने 20 ऑगस्ट रोजी मुलाला जन्म दिला. सोनम कपूर आणि आनंद आहुजा यांचा मुलगा आता एक महिन्याचा झाला आहे. कपूर आणि आहुजा कुटुंबाच्याने नातवाच्या जन्माला झालेले एख महिना साजरा केला आहे. त्या दरम्यान सोनमने इंस्टाग्रामवर एक फोटो शेअर केला. चाहत्यांना तिच्या मुलाची झलक तर दाखवलीच पण त्याचं नावही सांगितलं.

सोनम कपूरने बाळाला जन्म दिल्यानंतर संपूर्ण ठिकाणी त्याच्या नावाची चर्चा होती. अखेर आज सोनमने बाळाचं नाव जाहीर केलं आहे. सोनम कपूरने बाळाच्या नावाची प्रेरणा दोन महानपुरूषांकडून घेतली आहे. तिच्या जीवनात बाळाच्या येण्याने आनंद आला आहे. हा आनंद सोनम कपूरने या नावातून व्यक्त केला आहे. (फोटो सौजन्य – Sonam Kapoor Ahuja इंस्टाग्राम)

​सोनम कपूरच्या बाळाचं नाव आणि त्याचा अर्थ

सोनम कपूर आणि आनंद अहुजा यांनी आपल्या बाळाचं नाव ‘वायू’ असं ठेवलं आहे. या नावाचा अर्थ देखील सोनमने शेअर केलं आहे. सोनम कपूर आणि आनंद अहुजा यांनी बाळासोबतचा खास फोटो शेअर केला आहे. यामधून बाळाची पहिली झलक दिसत आहे.

सोनम कपूरची इंस्टाग्राम पोस्ट

​सोनम कपूरने शेअर केली खास पोस्ट

आमच्या जीवनात एक अशी शक्ती आली आहे, ज्याने आम्हाला नव्याने श्वास घेण्यासभाग पाडलं आहे. हनुमान आणि भीम या दोन महानपुरूषांप्रमाणे अतिशय धैर्यवान आणि सामर्थ्यवान पुत्र आमच्या जीवनात आला आहे. आम्ही आमच्या बाळाचं नाव जाहीर करतो ‘वायु कपूर अहुजा’ (Vayu Kapoor Ahuja) याला तुम्ही सगळ्यांनी आशिर्वाद द्या.

तुम्ही देखील तुमच्या मुलाकरता ‘वायु’ या नावाचा विचार करू शकता. वायु हे अतिशय वेगळ नाव आहे. दोन अक्षरी नावाचा हा उत्तम पर्याय आहे.

सोनम कपूरच्या बाळाच्या ​नावाचा अर्थ

हिंदू धर्मग्रंथांमध्ये वायु हे पंच तत्वांपैकी एक आहे. तो श्वासोच्छ्वासाचा देव आहे. हनुमान, भीम आणि माधव यांचा आध्यात्मिक पिता आहे आणि तो वाऱ्याचा अविश्वसनीय शक्तिशाली स्वामी आहे. प्राण हे वायु आहे, विश्वातील जीवन आणि बुद्धिमत्तेची मार्गदर्शक शक्ती. प्राण, इंद्र, शिव आणि काली या सर्व देवता वायूशी संबंधित आहेत.तो जितक्या सहजतेने वाईटाचा नाश करू शकतो तितक्याच सहजतेने प्राण्यांमध्ये जीवन श्वास घेऊ शकतो. वायुला वीर, शूर आणि मोहक सुंदर असे म्हटले जाते, अशी खास पोस्ट सोनम कपूरने शेअर केली आहे.

​बाळाचं असं केलं स्वागत

बाळाला महिना पूर्ण झाल्याचा आनंद अहुजा आणि सोनम कपूरने केक कापून साजरा केला. यावेळी खास ‘बॉस बेबीचा केक’ त्यांनी ऑर्डर केला होता. या केकचाही फोटो तिने इन्स्टा स्टोरीमध्ये पोस्ट केला आहे. ‘बॉस बेबी कपूर अहुजा’ असं त्या केकवर लिहिण्यात आलं आहे.

तुम्ही देखील तुमच्या बाळाच्या आगमनाचा किंवा पहिल्या महिन्याला असा केक कापू शकता. आता केक कापून बाळाच्या महिन्याचा वाढदिवस साजरा करण्याची वेगळी पद्धत रूढ झाली आहे.





Source link

Leave a Reply

Your email address will not be published.