रत्नागिरी: कोकणात रत्नागिरी येथे स्वप्नाली सावंत खून प्रकरण उघडकीस आल्यानंतर मुंबई, ठाणे येथील सोने व्यापाऱ्याचा रत्नागिरीत खून झाल्याचे उघड झाल्याने रत्नागिरी शहर हादरले आहे. रत्नागिरी पोलिसांनी अवघ्या दोन दिवसात युद्धपातळीवर तपास करून याप्रकरणी तीन आरोपींना अटक केली आहे. २८ सप्टेंबरपर्यंत तीन संशयित आरोपींना न्यायालयाने पोलीस कोठडी दिली आहे.

किर्तीकुमार कोठारी बेपत्ता असल्याची तक्रार दाखल झाली होती. या प्रकरणी पोलिसांनी व्यापारी भूषण खेडेकर, रिक्षाचालक महेश मंगलप्रसाद चौगुले व फरीद महामूद होडेकर यांच्या मुसक्या पोलिसांनी आवळल्या आहेत. किर्तीकुमार कोठारी नेहमी व्यापारासाठी रत्नागिरीतील ज्या ज्वेलर्स दुकानांमध्ये जायचे, त्या दुकानांचे सीसीटीव्ही फुटेज पोलिसांनी तपासले. किर्तीकुमार कोठारी १९ सप्टेंबरला रात्री साडे आठच्या सुमारास त्रिमुर्ती ज्वेलर्समध्ये गेल्याचे दिसले. परंतु दुकान बंद होईपर्यंत तेथून बाहेर न पडल्याचे दिसून आले. तसेच सदर ज्वेलर्स दुकानाचा मालक व इतर दोन अनोळखी व्यक्तींच्या हालचाली संशयास्पद दिसून आल्या. ही बाब हेरुन पोलिसांनी त्यावर तपास केंद्रीत केला आणि त्रिमुर्ती ज्वेलर्स दुकानाचा मालक भुषण सुभाष खेडेकर (वय ४२ वर्षे, रा. दत्त मंदिर समोर, खालची आळी, ता. जि. रत्नागिरी) याला पोलीस ठाण्यात आणले.
अभ्यास कर! पैसे वाया घालवू नको! स्पर्धा परीक्षेत नापास झाल्यानं लहान भावाला मारहाण; मृत्यू
किर्तीकुमार कोठारी यांच्या नातेवाईकांसमक्ष त्याची सखोल चौकशी केली. खेडेकरने दिलेली माहिती व पोलिसांनी पाहिलेले सीसीटीव्ही फुटेज यामध्ये तफावत दिसून आली. त्यावर पोलिसांनी किर्तीकुमार कोठारी यांचा घातपात झाल्याच्या दृष्टीने तपास केला. तेव्हा भूषण खेडेकर याने पोलिसांना किर्तीकुमार कोठारी यांचा त्याने व त्याचे मित्र महेश मंगलप्रसाद चौगुले (वय ३९ वर्षे, व्यवसाय रिक्षा चालक बेग फायनान्स, रा. मांडवी, सदानंदवाडी, ता.जि. रत्नागिरी) आणि फरीद महामूद होडेकर (वय ३६ वर्षे, रा. भाट्ये, खोतवाडी, ता. जि. रत्नागिरी) अशा तिघांनी मिळून किर्तीकुमार कोठारी यांना त्रिमुर्ती ज्वेलर्स दुकानामध्येच हाताने व दोरीने गळा आवळून ठार मारले आणि मृतदेह दुकानामध्येच ठेवल्याची माहिती दिली.
गर्लफ्रेंडचा लग्नास नकार; बॉयफ्रेंडनं बहाणा करून हॉटेलात बोलावलं अन् मग…
कोठारी यांच्या हत्येनंतर रात्री उशिरा पुन्हा तिघांनी त्रिमुर्ती ज्वेलर्स दुकानात एकत्र येऊन, किर्तीकुमार कोठारी यांचा मृतदेह गोणीत घालून, तो दुकानातून बाहेर काढून, फरीद होडेकर व महेश चौगुले यांना त्याची कोठेतरी विल्हेवाट लावण्याबाबत सांगितल्यावरुन फरीद होडेकर व महेश चौगुले यांनी तो महेश चौगुले याच्या रिक्षातून नेल्याचे सांगितले. पोलिसांनी तात्काळ दाखल गुन्ह्यातील इतर दोन संशयीत आरोपींना ताब्यात घेतले व त्यांच्याकडे किर्तीकुमार कोठारी यांच्याबाबत तपास केला तेव्हा त्यांनीही भूषण खेडेकर यांच्याप्रमाणेच हकिकत सांगत, किर्तीकुमार कोठारी यांचा मृतदेह महेश चौगुले याच्या रिक्षातून घेऊन जात एके ठिकाणी टाकल्याचे सांगितले.

यानंतर पोलिसांनी आणि तिन्ही आरोपींना दाखल गुन्ह्यात अटक केली आहे व तपासादरम्यान संशयित आरोपीच्या सांगण्यानुसार किर्तीकुमार कोठारी यांचा मृतदेह भातगांव आबलोली रोडवरील एका पऱ्यातून तपासकामी ताब्यात घेतला.



Source link

Leave a Reply

Your email address will not be published.