टाटा समूहाच्या शेअर्सचे वैशिष्ट्य म्हणजे या कंपन्यांची फारशी चर्चा कधीच झाली नाही. त्यामुळे लोकांना त्याची फारशी माहिती नसेल. अशा परिस्थितीत जर तुम्ही टाटा ग्रुपमध्ये गुंतवणूक करून पैसे कमवण्याचा विचार करत असाल, तर आम्ही तुम्हाला अशा शेअर्सबद्दल माहिती देत आहोत.
Muhurat Trading Stocks: दिवाळीच्या मुहूर्तावर मार्केटचे विशेष सत्र, कोणते शेअर्स घ्यावे? जाणून घ्या
ऑटोमोटिव्ह स्टॅम्पिंग आणि असेंब्ली
या कंपनीच्या शेअरने गेल्या एका वर्षात १५०० टक्क्यांपेक्षा जास्त मोठी उडी घेतली आहे. सोमवारी, कंपनीच्या शेअर्सनी ३८९.३० रुपयांवर व्यवसाय सुरू केला जो ट्रेडिंग दरम्यान ३९८.९० रुपयांवर पोहोचले. कंपनीच्या शेअरचा उच्चांक ४८१.८० रुपये आहे. टाटाची ही कंपनी प्रामुख्याने ऑटो सपोर्टिंग फर्म असून हे टाटा मोटर्ससाठी प्रवासी आणि व्यावसायिक वाहनांसाठी शीट-मेटल स्टॅम्पिंग, वेल्डेड असेंब्ली आणि मॉड्यूल तयार करते. कंपनीकडे जनरल मोटर्स इंडिया, फियाट इंडिया, पियाजिओ व्हेइकल्स, अशोक लेलँड, जेसीबी, टाटा हिटाची आणि एमजी मोटर्ससह अनेक कंपन्यांकडून ऑर्डर आहेत.
टीनप्लेट कंपनी ऑफ इंडिया
जमशेदपूर-स्थित टाटा स्टीलची उपकंपनी टाटा टिनप्लेट कंपनीच्या शेअर्समध्ये सोमवारी ३७२.५५ रुपयावर व्यवहार सुरू करत सुमारे २.७९% वाढ नोंदवली गेली. तर व्यवहार दरम्यान शेअरने ३८२.७५ रुपयांवर उडी घेतली. भविष्यात या कंपनीकडून चांगला नफा मिळू शकेल, असे गुंतवणूकदारांचे मत आहे.
टाटांच्या शेअरमध्ये तेजीचा ट्रेंड, स्टॉक खरेदी वाढली; नेमकं कारण काय? वाचा मगच गुंतवणूक करा
टाटाची टिनप्लेट कंपनी (TCIL) देशातील सर्वात मोठी टिनप्लेट निर्मिती कंपनी असून त्याची स्थापना १९२० मध्ये झाली होती. कंपनी प्रक्रिया केलेल्या अन्नाच्या पॅकेजिंगमध्ये वापरल्या जाणार्‍या टिनप्लेट आणि टीएफएसचे उत्पादन करते. कंपनी खाद्यतेल, पेंट आणि कीटकनाशके, बॅटरी आणि एरोसोल आणि बाटली क्राउन उत्पादनांच्या मोठ्या श्रेणीत व्यवहार करते.
गोवा ऑटोमोबाइल कॉर्पोरेशन
या कंपनीच्या शेअर्सनी गेल्या सहा महिन्यांत गुंतवणूकदारांना सुमारे ८०.१८% परतावा देत या कालावधीत सुमारे ६६३.०५ रुपयांची वाढ नोंदवली. गोव्यात स्थापन झालेली टाटा समूहाची ही प्रमुख अभियांत्रिकी कंपनी आहे ज्याची टाटा मोटर्स आणि ईडीसी यांनी १९८० मध्ये संयुक्तपणे याची स्थापना केली होती. यामध्ये शीट मेटलचे घटक, असेंब्ली आणि बसचे डबे कारखान्यांमध्ये तयार केले जातात. टाटा मोटर्स ही या मायक्रोकॅप कंपनीची सर्वोच्च भागधारक आहे.
कवडीमोल भावात मिळालेल्या शेअरने नशीब बदललं, हजारांच्या गुंतवणुकीवर बनले करोडपती; खरेदी करावा का?
नेल्को
बाजारातील गुंतवणूकदारांना परतवा देण्यात टाटांची ही कंपनीही मागे नाही. गेल्या सहा महिन्यांत गुंतवणूकदारांनी सुमारे १६% परतावा कमावला आहे. आयटी नेटवर्किंग उपकरणांचा स्टॉक असून नेल्को संरक्षण आणि टर्नकी प्रकल्पांसाठी सुरक्षा आणि पाळत ठेवण्याच्या क्षेत्रात माहिर आहे ज्यात संरक्षण पाळत ठेवणे, नागरी अनुप्रयोग, आकर्षणे, लोकोमोटिव्हसाठी इलेक्ट्रॉनिक्स आणि VSAT सह नेटवर्क व्यवस्थापन प्रणालीचा समावेश आहे. तसेच कंपनीचे संरक्षण, रेल्वे, सिमेंट, ऑटोमोबाईलशी संबंधित अनेक प्रकल्प असून यामध्ये टाटा पॉवरचा सर्वात मोठा हिस्सा आहे.
(Dislaimer: शेअर बाजारातील गुंतवणूक ही जोखमीच्या अधीन आहे. कोणत्याही शेअरमध्ये गुंतवणूक करण्यापूर्वी संपूर्ण माहिती घ्या किंवा आर्थिक सल्लागाराची मदत घ्या.)