Shivsena Uddhav Thackeray Ravi Mhatre: एकनाथ शिंदे यांनी शिवसेनेविरोधात बंड करत तब्बल ४० आमदार फोडले. या ऐतिहासिक बंडानंतर राज्यातील राजकारणात एकच खळबळ उडाली होती. या बंडामुळे राज्यातील राजकारणासह शिवसेनेतही मोठे बदल झाले. कित्येक वर्ष शिवसेना तसंच उद्धव ठाकरेंसोबत असलेले आमदार, खासदार एकनाथ शिंदे गटासोबत गेले. राजकीय समीकरणांसोबत शिवसेना पक्षातील अंतर्गत अनेक गोष्टीही बदलू लागल्या. सध्या शिवसेनेत उद्धव ठाकरेंचा जवळचा व्यक्ती म्हणून एका शिवसैनिकाची मोठी चर्चा आहे. हे नाव मध्यतरीच्या काळात सक्रीय नव्हतं, परंतु आता शिंदेंच्या बंडानंतर बाळासाहेबांच्या मर्जीतील असलेलं एक नाव म्हणजे रवी म्हात्रे यांच्या नावाची जोरदार चर्चा आहे. तसंच उद्धव ठाकरेंसोबत त्यांच्या वाढलेल्या वावराबाबत काही दिवसांपासून मोठी चर्चा आहे.

उद्धव ठाकरेंच्या जवळ असणारे हे रवी म्हात्रे कोण आहेत?

२१ सप्टेंबर रोजी शिवसेनेच्या गटप्रमुखांचा मेळावा पार पडला. उद्धव ठाकरेंच्या नेतृत्वाखाली पार पडलेल्या या मेळाव्यात मोठी गर्दी पाहायला मिळाली. या मेळाव्यात उद्धव ठाकरेंच्या अवतीभोवती रवी म्हात्रे बराच वेळा पाहायला मिळाले. मागील काही ते सक्रीय नव्हते. मात्र आता हातात फाईल घेऊन अचानक रवी म्हात्रेंची (Ravi Mhatre) एण्ट्री झाल्याने त्यांची मोठी चर्चा होते आहे. उद्धव ठाकरेंच्या जवळ असणारे हे रवी म्हात्रे कोण आहेत?

बाळासाहेबांचे खास असलेले रवी म्हात्रे कोण आहेत?

रवी म्हात्रे शिवसेनाप्रमुख बाळासाहेब ठाकरे यांचे जवळचे, खास आहेत. ते बाळासाहेबांचे सहाय्यक होते. २००४ पासून ते बाळासाहेबांचे सहाय्यक म्हणून काम पाहत होते. बाळासाहेबांच्या निधनानंतरही रवी म्हात्रे ठाकरे कुटुंबियांसोबत होते. त्यानंतर मध्यतरीच्या काळात ते सक्रीय असल्याचं पाहायला मिळालं नाही. बाळासाहेबांसोबत असताना रवी म्हात्रे यांच्याकडे शाखाप्रमुखांसह, आमदार, खासदार आपल्या समस्या घेऊन रवी म्हात्रे यांच्याशी संपर्क साधायचे. त्यावेळी रवी म्हात्रे शिवसैनिकांमधील दुवा होते. याशिवाय, रवी म्हात्रे हेच बाळासाहेब ठाकरेंच्या सर्व कार्यक्रमांचे नियोजन करत असत.

उद्धव ठाकरेंजवळ फाईल घेऊन असणारे रवी म्हात्रे…

दोन दिवसांपूर्वी शिवसेनेच्या गटप्रमुखांचा मेळावा पार पडला. यावेळी मेळाव्याच्या मंचावर उद्धव ठाकरेंच्या मागे रवी म्हात्रे हातात फाईल्स घेऊन असलेले दिसले. शिंदे यांच्या बंडानंतर उद्धव ठाकरे यांच्या वर्तुळात महत्त्वाचे बदल होताना दिसत आहेत. रवी म्हात्रे हे शिवसेनाप्रमुख बाळासाहेब ठाकरे यांच्या मर्जीतील व्यक्तींपैकी म्हणून एक ओळखले जातात. उद्धव ठाकरे यांचे स्वीय सहाय्यक असणारे मिलिंद नार्वेकर यांची जागा आता रवी म्हात्रे यांनी घेतली आहे का, अशी चर्चा रंगू लागली आहे.

मिलिंद नार्वेकर यांची जागा रवी म्हात्रेंनी घेतली?

एकनाथ शिंदेंनी शिवसेनेविरोधात बंड केल्यानंतर त्यांच्यासोबत ४० आमदार, खासदारांनीही शिवसेनेची, उद्धव ठाकरेंची साथ सोडली. अनेकांनी बंडानंतर उद्धव ठाकरेंचे स्वीय सहाय्यक असलेल्या मिलिंद नार्वेकरांवरही यावेळी नाराजी व्यक्त केली. १९९४ पासून मिलिंद नार्वेवर शिवसैनिकांशी जोडलेले आहेत. २०१८ मध्ये शिवसेनेचे सचिव म्हणून त्यांची घोषणा करण्यात आली होती. पण आता रवी म्हात्रेंचा उद्धव ठाकरेंजवळचा वाढलेला वावर पाहता मिलिंद नार्वेकर यांची जागा रवी म्हात्रेंनी घेतली असल्याची चर्चा आहे.

बाळासाहेबांच्या मर्जीतील व्यक्ती

मागील अनेक काळापासून रवी म्हात्रे (Ravi Mhatre) शिवसेनेत सक्रीय नव्हते. त्यानंतर एकनाथ शिंदेंच्या (Eknath Shinde) बंडानंतर रवी म्हात्रे यांचा शिवसेनेतील वावर, शिवसेना भवनात ते सक्रीयपणे काम करताना दिसत आहेत. बाळासाहेबांपासून (Balasaheb Thackeray) शिवसेनेत असणारे, बाळासाहेबांची कामं करणारे रवी म्हात्रे आता उद्धव ठाकरेंसोबत पाहायला मिळत असल्याने पक्षांतर्गत अनेक बदल होत असल्याची तसंच त्यांनी मिलिंद नार्वेकरांची जागा घेतली का? अशी चर्चा सुरू आहे.



Source link

Leave a Reply

Your email address will not be published.