रात्री दुचाकीवरुन आले अन् घरात घुसले; दरोडेखोरांची शेतमजूर दापत्याला मारहाण, नंतर पलायन, काय घडलं?मिळालेल्या माहितीनुसार, नागपुरात एका चोराने नवीन घर बांधले. पण नवीन घरात टीव्ही नसल्याने त्याने पुन्हा चोरी केली. घर सजवण्यासाठी त्याने चोरीचा अवलंब केला. त्यांनी दोन घरांची तोडफोड करून तीन टीव्ही, शेगडी आणि इतर घरातील साहित्य चोरी केले. पण घरात नवीन टीव्हीचा आनंद त्याला घेता आला नाही. टीव्ही पाहण्याआधीच त्याला पोलिसांनी अटक केली. त्याचा टीव्ही पाहण्याचा आनंद अपूर्णच राहिला. नागपुरात दोन घरफोड्या करणाऱ्यांना वाठोडा पोलिसांनी अटक केली आहे. हे दोघेही चोरी करण्यात अत्यंत निपुण आहे.
नुकतेच त्यांनी दोन घरे फोडून बरेच सामान चोरले. हे प्रकरण पोलिसांपर्यंत पोहोचले. पोलिसांनी गुन्हा दाखल करून चोर शेख फिरोज उर्फ पक्याला पकडले. मात्र फिरोजने जे सांगितले ते ऐकून पोलिसही चकित झाले. फिरोज हा एका सराईत गुन्हेगार आहे. त्याने आतापर्यंत अनेक चोरी केल्या आहेत. आणि त्यातून मिळालेल्या पैशातून त्यांनी नवीन आलिशान घर बांधले. पण त्या घरात टीव्ही किंवा इतर वस्तू नव्हती. त्याने नवीन घरासाठी टीव्ही चोरण्याचा निर्णय घेतला. त्यामुळे तो त्याचा साथीदार ऋषिकेश बाडवाईक सोबत चोरी करायला निघाला.
या दोघांनी मिळून वाठोडा पोलीस ठाण्याच्या हद्दीतील दोन घरे फोडून तेथून तीन टीव्ही आणि इतर घरातील साहित्य चोरले. त्यासर्व गोष्टी आणून त्यांनी छान घर सजवले आणि टीव्हीही लावला. मात्र तो टीव्ही पाहण्यापूर्वीच त्याला पोलिसांनी पकडले. सध्या नागपूर पोलिसांनी चोरीतील आरोपी शेख फिरोज उर्फ पक्या याला अटक केली. त्याचा एक साथीदार ऋषिकेश बाडवाईक हा फरार असून पोलीस त्याचा शोध घेत असून या प्रकरणाचा अधिक तपास करत आहेत.