विश्वचषकाच्या अंतिम सामन्यासाठी हार्दिक पांड्याच्या टीम इंडियाला हार्दिक शुभेच्छा; व्हिडिओ पोस्ट करत म्हणाला…पॅट कमिन्स म्हणाला की, खेळात घरच्या संघाला पाठिंबा मिळणे काही नवीन नाही. पण विरोधी संघ असल्याने तुमच्या खेळाने स्टेडियममध्ये शांतता निर्माण करण्यापेक्षा आनंददायी आणि समाधानकारक काहीही असू शकत नाही. हे आमचे ध्येय असणार आहे. आम्ही भारतीय भूमीवर भरपूर क्रिकेट खेळतो. १ लाख ३० हजार प्रेक्षक आम्हाला पाठिंबा देणार नाहीत, परंतु त्यांना शांत ठेवणे हे आमचे ध्येय आहे. परंतु या स्तरावर आपण यापूर्वी जे अनुभवले आहे, त्यापेक्षा ते कदाचित खूप जास्त असेल यात शंका नाही. हा मोठा सामना असणार आहे. काही काळापूर्वी आम्ही सर्व मुले होतो. काही महान संघांना १९९९, २००३, २००७ विश्वचषक चॅम्पियन बनताना पाहिले.
तो पुढे म्हणाला की, उद्या आमच्याकडे एक संधी आहे जी खरोखरच रोमांचक असणार आहे. कर्णधार म्हणून या अप्रतिम खेळाडूंसोबत ट्रॉफी उचलणे माझ्यासाठी सन्मानाची गोष्ट असेल. याआधी ऑस्ट्रेलियाने विश्वचषक २०१५ चे विजेतेपद पटकावले होते. पॅट कमिन्स हा ऑस्ट्रेलियन संघाचा एक भाग होता. मात्र यावेळी पॅट कमिन्सच्या नेतृत्वाखाली कांगारू संघ विश्वचषकाचे विजेतेपद पटकावण्यासाठी उतरणार आहे. ऑस्ट्रेलियन संघाने उपांत्य फेरीत दक्षिण आफ्रिकेचा पराभव करून अंतिम फेरी गाठली, तर टीम इंडियाने उपांत्य फेरीत न्यूझीलंडचा पराभव केला.
भारताने विश्वचषक जिंकल्यास १०० कोटी रुपये देणार; अॅस्ट्रोटॉकचे सीईओ पुनीत गुप्ता यांची घोषणा
पॅट कमिन्स नाणेफेक जिंकल्यानंतर संघ प्रथम गोलंदाजी करण्याचा निर्णय घेऊ शकतो. दरम्यान कमिन्सकडे ऑस्ट्रेलियाचा विश्वचषक जिंकणारा पाचवा कर्णधार बनण्याची संधी आहे. कमिन्सच्या आधी चार महान कर्णधारांनी ऑस्ट्रेलियाला विश्वचषक जिंकून दिला आहे. त्यापैकी रिकी पाँटिंगने २००३ आणि २००७ मध्ये त्याच्या नेतृत्वाखाली संघाला दोनदा विश्वचषक जिंकून दिला होता. त्याच्या व्यतिरिक्त ऑस्ट्रेलियन संघ १९८७ मध्ये ऍलन बॉर्डरच्या नेतृत्वाखाली पहिल्यांदा चॅम्पियन बनला होता. त्यानंतर १९९९ मध्ये स्टीव्ह वॉच्या नेतृत्वाखाली कांगारू संघाला विजेतेपद मिळवून दिले. रिकी पाँटिंगनंतर, मायकेल क्लार्कच्या नेतृत्वाखाली ऑस्ट्रेलिया २०१५ ध्ये पाचव्यांदा चॅम्पियन बनला.