अवघ्या अडीच रुपयांचा होता शेअर, आज गुंतवणूकदारांनी छापल्या नोटा; लेटेस्ट अपडेट वाचून पैसे गुंतवा
सुझलॉनच्या शेअर्सना म्युच्युअल फंडाची साथ
सुझलॉनला म्युच्युअल फंडाकडून त्यांना किती पाठिंबा मिळाला याची कल्पना यावरूनच लावता येऊ शकते की कंपनीत त्यांचा हिस्सा मासिक आधारावर ३५७ टक्क्यांनी वाढला आहे. ICICI ऑपरेटर्सच्या अहवालानुसार म्युच्युअल फंड गुंतवणूकदारांनी गेल्या महिन्यात सुजलोचे ५०.७२ कोटी शेअर्स खरेदी केले असून आता त्यांच्याकडे किंवा कंपनीत ६४.७१ कोटी शेअर्स आहेत.
दरम्यान, ट्रेंडलाइनवर ऑगस्टपर्यंतच्या उपलब्ध आकडेवारीनुसार आता सुझलानमध्ये ६६ म्युच्युअल फंडांचे स्टेक आहेत आणि त्यांची किंमत सुमारे १५६७ कोटी रुपये आहे. विशेष म्हणजे जुलैमध्ये ३० म्युच्युअल फंडांकडे सुझलॉनचे शेअर्स होते.
PSU स्टॉक देत आहे छप्परफाड परतावा, 52 आठवड्यांतील हाय लेव्हलला शेअर्स, गुंतवणूकदार मालामाल
सहा महिन्यात २००% पेक्षा जास्त परतावा
गेल्या सहा महिन्यात सुझलॉन एनर्जी शेअर्सनी गुंतवणूकदारांना २०५% परतावा दिला असून या कालावधीत शेअरची किंमत ८ रुपयांवरून २४.४० रुपयांपर्यंत वाढली आहे. तसेच एनर्जी स्टॉकमध्ये एका वर्षात २००.१२% आणि पाच वर्षांत २९३.५५% वाढ झाली आहे. सुझलॉन एनर्जी शेअरचा उच्चांक २७ रुपये आहे, तर ५२ आठवड्यांची नीचांकी किंमत ६.६० रुपये आहे, जी कंपनीने गेल्या वर्षी ऑक्टोबरमध्ये गाठली होती. म्हणजे सुझलॉन शेअरने सध्याच्या कमी किमतीतून २६९.७% रिकव्हरी केली आहे. सुझलॉन एनर्जी लिमिटेड कंपनीचे बाजार भांडवल ३३,००३.०३ कोटी रुपये आहे.
12 रुपयांच्या शेअरची कमाल, गुंतवणूकदार झाले मालामाल; कवडीमोल भावाचा स्टॉक बनला मल्टीबॅगर
सुझलॉन कंपनीचा इतिहास
भारताचे विंडमॅन म्हणून ओळखले जाणारे तुलसी तंती यांनी सुझलॉन एनर्जी कंपनीची स्थापना केली होती. भारतात आपले कामकाज सुरू केल्यावर सुझलॉनने जागतिक स्तरावर वेगाने विस्तार केला आणि पारंपारिक उर्जा स्त्रोतांना शाश्वत पर्याय म्हणून पवन ऊर्जेची क्षमता ओळखून पवन टर्बाइनच्या निर्मितीमध्ये पाऊल टाकले. त्यानंतर २०१० मध्ये कंपनी शेअर बाजारात लिस्ट (सूचिबद्ध) झाली.
कंपनीचा आयपीओ १५ पटीने ओव्हरसबस्क्राइब झाला. २००७-०८ मध्ये सुझलॉन एनर्जीच्या एका शेअरची किंमत सुमारे ४०० रुपये होती. तथापि, गेल्या काही वर्षांमध्ये सुझलॉनने आपल्या पोर्टफोलिओमध्ये वैविध्य आणले असून पवन टर्बाइन जनरेटरपासून पूर्ण झालेल्या पवन ऊर्जा प्रकल्पांपर्यंत अनेक पवन ऊर्जा समाधाने सादर केली. आज कंपनीचे आशिया, ऑस्ट्रेलिया, युरोप, आफ्रिका आणि अमेरिकेतील १७ देशांमध्ये कंपनी कार्यरत आहे.