हा प्रकार बघताच राधाकृष्ण विखे-पाटील यांच्या अंगरक्षकांनी आणि समर्थकांनी तातडीने शंकर बंगाळे याला पकडले. या सगळ्यांनी शंकर बंगाळे याला खाली पाडून थोडीफार मारहाण केली. यानंतर पोलिसांनी शंकर बंगाळे याला ताब्यात घेतले. शंकर बंगाळे याने यापूर्वीही असाच प्रकार केला होता. शिवसेना-भाजप युती सरकारच्या काळात शंकर बंगाळे याने सोलापूर येथील सभेत तत्कालीन शिक्षणमंत्री विनोद तावडे यांच्यावर भंडारा उधळला होता. त्यानंतर आता पुन्हा एकदा शंकर बंगाळे यांनी अशीच कृती केली आहे. याप्रकरणात आता पोलीस काय कारवाई करतात, हे पाहावे लागेल. मात्र, या घटनेमुळे धनगर आरक्षणाचा मुद्दा पुन्हा एकदा तापण्याची शक्यता वर्तविण्यात येत आहे.
Maratha Reservation: तुमची प्रमुख मागणी पूर्ण झालेय, जरांगे-पाटलांनी विषय जास्त ताणू नये: विखे-पाटील
या सगळ्या घटनेनंतर राधाकृष्ण विखे-पाटील यांनी प्रसारमाध्यमांशी संवाद साधताना म्हटले की, भंडारा पवित्र मानला जातो. त्यामुळे मला आशीर्वाद मिळाला आहे समजून मी आनंद मानतो. धनगर समाजाच्या संबंधित कार्यकर्त्याने केलेल्या कृतीत मला काहीही वावगे वाटत नाही. मी त्याच्याविरोधात गुन्हा दाखल न करण्याच्या सूचना दिल्या आहेत. हा प्रकार अचानक घडल्यामुळे माझ्या काही कार्यकर्त्यांनी शंकर बंगाळे याला मारहाण केली. मात्र, आता मी कार्यकर्त्यांनाही तशाप्रकारच्या सूचना देईल, असे विखे-पाटील यांनी म्हटले.