हार्वर्डसारख्या प्रतिष्ठित विद्यापीठात प्रवेश घेतला पण दोन वर्षांनी शिक्षण अर्धवट सोडले. अनेक कंपन्यांनी त्याला नोकरीची ऑफरही आल्या, पण कुठेही नोकरी मिळाली नाही. विशेष म्हणजे आपला स्वतःचा व्यवसाय सुरू करण्यासाठी त्याच्याकडे पैसा नव्हता. परंतु त्याच्याकडे फक्त कौशल्य, आत्मविश्वास आणि जोखीम घेण्याची क्षमता होती आणि या तिन्ही गुणांच्या जोरावर त्याने आपले नशीब पालटले आणि बिल गेट्ससारख्या दिग्गजांनाही घाम फोडला.
कोण आहे अजय गोयल? ग्रॅज्युएशन करताना सुचलेल्या कल्पनेने आज शेकडो लोकांना मिळवून देतायत नोकरी
अर्धवट शिक्षण पण तरुण वयात बनला अब्जाधीश
आज आपल्या या लेखात मार्क झुकरबर्गच्या यशस्वी प्रवासाबद्दल बोलणार आहोत. फेसबुकचे सह-संस्थापक आणि मेटा सीईओ झुकरबर्ग एक कॉलेज ड्रॉपआऊट आहेत. बालपणापासून कॉम्प्युटरची आवड, काम आणि जोखीम घेण्याच्या धाडसी वृत्तीमुळे आज जगभर मार्कचे कौतुक होते आहे. मार्क झुकरबर्गचे वडील एक डेंटिस्ट होते. वयाच्या १२ व्या वर्षी झुकेरबर्गने ‘झुकनेट’ नावाचा संगणक प्रोग्राम तयार केला. झुकनेटच्या मदतीने झुकेरबर्गचे वडील त्यांच्या रुग्णालयातील कर्मचाऱ्यांशी संवाद साधायचा.
हॉस्टेलच्या खोलीत फेसबुकचा पाया घातला
हार्वर्ड विद्यापीठात शिक्षण घेताना मार्कने हॉस्टेल रूममध्ये मित्र ड्यूस्टिन मॉस्कोविट्झ, एडुआर्डो सेव्हरिन आणि ख्रिस ह्यूजेस यांच्यासोबत फेसबुकची स्थापना केली. सुरुवातीला त्याला The Facebook.com असे नाव देण्यात आले होते, जे खास हार्वर्ड विद्यापीठातील विद्यार्थ्यांसाठी तयार करण्यात आले होते.
पतीच्या आत्महत्यानंतर पत्नीच्या अथक परिश्रमाने आले वैभवाचे दिवस; आता कंपनीला कर्ज डोईजड
वेबसाइट तयार करण्यासाठी मार्कला सर्व्हर हवे होते पण ते खरेदी करण्यासाठी त्याच्याकडे पैसे नव्हते, म्हणूनच त्याने एडुआर्डो सेव्हरिनला आपल्यासोबत जोडले. सेव्हरिनने स्वतः वेबसाइटसाठी सुरुवातीला १५ हजार डॉलरची गुंतवणूक केली होती. वेबसाइट तयार केल्यानंतर अवघ्या काही दिवसांनी झुकरबर्गने हार्वर्डमधील शिक्षण सोडले आणि फेसबुकसाठी पूर्णपणे काम करण्यास सुरुवात केली.
याच्या २३ व्या वर्षी अब्जाधीश
२००४ मध्ये मार्क झुकरबर्गने फेसबुकचे दरवाजे अधिकृतपणे सर्वांसाठी उघडले. काही काळानंतर मार्क आणि एडुआर्डो सेव्हरिन यांचे भांडण झाले व प्रकरण न्यायालयात पोहोचले. अखेरीस सेव्हरिनला फेसबुकमधून बाहेर काढण्यासाठी झुकरबर्गला मोठी किंमत मोजावी लागली. पुढील काळात फेसबुक जगभर खूप वेगाने लोकप्रिय झाले आणि अवघ्या चार वर्षांनी म्हणजे २००८ मध्ये मार्क झुकरबर्ग सर्वात कमी वयाच्या अब्जाधीशाचा मान मिळवला.
Success Story : ३५ कंपन्यांनी नाकारलं, अखेर १० हजारांची नोकरी लागली, आता आहे थेट १ कोटींहून अधिकचं पॅकेज
प्रसिद्ध कंपन्यांचा ताबा घेतला
फेसबुक लाँच केल्यानंतर झुकरबर्गने मागे वळून पाहिले नाही. झुकरबर्गने २०१२ मध्ये व्हॉट्सॲप विकत घेतले तर काही आठवड्यानंतर फेसबुकने व्हर्च्युअल रिॲलिटी हार्डवेअर आणि सॉफ्टवेअर कंपनी, ऑक्युलस VR देखील काबीज केली. यानंतर त्याने इंस्टाग्राम देखील घेतले असून आज यूट्यूब आणि गुगलनंतर फेसबुकला इंटरनेटवर सर्वाधिक ट्रॅफिक मिळते. दरम्यान ब्लूमबर्ग बिलियनेअर्स इंडेक्सनुसार मार्क झुकरबर्गची एकूण संपत्ती सध्या $१११ अब्ज असून मार्क जगातील दहाव्या क्रमांकाचे श्रीमंत व्यक्ती असण्याबरोबर झुकरबर्गने फोर्ब्सच्या जगातील सर्वात प्रभावशाली व्यक्तींच्या यादीतही स्थान मिळवले आहे.