गाझियाबाद: उत्तर प्रदेशच्या गाझियाबादमध्ये वास्तव्यास असलेल्या डॉक्टर अरविंद कुमार वस्त यांनी त्यांना धमकी मिळाल्याचा दावा केला होता. आपल्याला ठार मारण्याची धमकी व्हॉट्स ऍप कॉलच्या माध्यमातून मिळाल्याचं वत्स यांनी सांगितलं होतं. या प्रकरणी त्यांनी पोलिसात तक्रारही दाखल केली होती. याचा तपास पोलिसांना केला. त्यातून हा संपूर्ण प्रकारच बोगस असल्याचं सत्य उघडकीस आलं. सायबर सेलनं या प्रकरणाचा तपास केला.

लोकप्रियता मिळवण्यासाठी डॉक्टर वत्स यांनी त्यांना हत्येची धमकी मिळाल्याचा दावा केला होता. व्हॉट्स नंबरवरून धमकीचा कॉल आल्याचं वत्स यांनी सांगितलं होतं. या प्रकरणात नंबरमध्ये फेरफार करून कॉल करणाऱ्या तरुणाला पोलिसांनी बेड्या ठोकल्या आहेत. खोटी माहिती देऊन पोलिसांची दिशाभूल केल्याप्रकरणी डॉक्टरांविरोधात गुन्हा दाखल करून पुढील कारवाई करण्यात येणार असल्याची माहिती पोलिसांनी दिली.
हाण की बडीव! छेड काढणाऱ्या तरुणाला तरुणीनं बदडलं; २० सेकंदांत ३८ वेळा चपलांचा प्रसाद
२ सप्टेंबरला व्हॉट्स नंबरवरून फोन आला आणि जीवे मारण्याची धमकी मिळाली, असा दावा डॉक्टरांनी केला होता. हिंदू संघटनांशी स्वत:ला जोडून त्यांच्यासाठी खूप काम करतो. त्यामुळे आता तुझं शिर धडावेगळं करण्यात येईल. तुझी रेकी करण्यात आलेली आहे, असं वत्स यांनी सांगितलं होतं. मात्र तपासातून वेगळीच माहिती समोर आली आहे. डॉक्टरांना बिहारमधील एका रुग्णानं इंटरनेट कॉल केला होता. याच नंबरवरून आपल्याला धमकी मिळाल्याचा कांगावा डॉक्टरांनी केला. प्रसिद्ध होण्यासाठी त्यांनी हा प्रकार केल्याचं तपासातून उघडकीस आलं आहे.
पिकनिकचा निम्मा खर्च कर! गुरुजींचा नकार; तीन मित्र संतापले, शिक्षकाला मारुन विहिरीत फेकले
२ सप्टेंबरला ज्या नंबरवरून फोन आला, त्याच नंबरवरून ७ सप्टेंबरला पुन्हा कॉल आल्याचं तक्रारदार डॉक्टरांनी म्हटलं होतं. हिंदू संघटनांसाठी काम करणं बंद न केल्यास शिरच्छेद करण्यात येईल. पंतप्रधान नरेंद्र मोदी, मुख्यमंत्री योगी आदित्यनाथही तुला वाचवू शकणार नाहीत, असा दावा वत्स यांनी केला होता. व्हॉट्स ऍपवर ३ फोटो पाठवण्यात आले होते, असं वत्स यांनी पोलिसांना सांगितलं होतं. यानंतर पोलिसांनी अज्ञात व्यक्तीविरोधात गुन्हा दाखल करून तपास सुरू केला.



Source link

Leave a Reply

Your email address will not be published.