जम्मू-काश्मीरमध्ये आज 26 जागांसाठी 25 लाख मतदार करणार मतदान:उमर अब्दुल्ला, रैनांसह 239 उमेदवार रिंगणात

जम्मू-काश्मीरमधील ५ लाख मतदार बुधवारी ६ जिल्ह्यांतील २६ विधानसभा जागांवर मतदान करणार आहेत. त्यापैकी जम्मू प्रदेशात ११ तर काश्मीरमध्ये १५ जागा आहेत. कलम ३७० हटवल्यानंतर येथे प्रथमच निवडणूक होत आहे. २०१४ मध्ये शेवटच्या निवडणुका झाल्या होत्या. त्यानंतर यापैकी २५ जागांवर ५९ टक्के मतदान झाले. यावेळी नव्या जागांची भर पडली आहे. राज्यात एकूण १९ जागा आहेत. पहिल्या टप्प्यात २४ जागांवर विक्रमी ६१.३८% मतदान झाले होते. तिसऱ्या टप्प्यात १ ऑक्टोबरला ४० जागांसाठी मतदान होणार आहे. ८ ऑक्टोबरला निकाल जाहीर केला जाणार आहे. श्रीनगरवर नजर: तिरंगा, पर्यटक आणि ९३ उमेदवार काश्मीर : श्रीनगर जिल्ह्यातील लाल चौक, हजरतबल, खानयार, हब्बाकडल, चन्नापोरा, जेदीबल, सेंट्रल शाॅल्टेंग आणि ईदगाह जागा. एकूण ९३ उमेदवार आहेत. लाल चौकात वर्दळ, तिरंगा व पर्यटकांमुळे वातावरण बदलले. येथे एनसी, पीडीपी व भाजपत तिरंगी लढत होतेय. तर खोऱ्यातील उर्वरित १४ जागांवर एनसी विरुद्ध पीडीपी असा सामना आहे. खोऱ्यातील १५ पैकी ८ जागा श्रीनगर जिल्ह्यात. जेथे मुख्य लढत एनसी आणि पीडीपीत आहे.
या वेळी १७ जागांवर एनसी-पीडीपी तर भाजप ९ जागांवर मजबूत दिसतेय.
जम्मू प्रदेशातील ११ जागा राजौरी, पूंछ व रियासी जिल्ह्यांतील. त्यापैकी ५ आरक्षित आहेत.
खोऱ्यात कलम ३७० ची पुनर्स्थापना हा मोठा मुद्दा. तर जम्मूत विकास, रोजगार आणि शांतता. जम्मू : भाजप सर्व जागांवर मजबूत आहे. पूंछ-राजौरीच्या राखीव जागांवर पकड. पहाडी व गुज्जर मतदार जास्त. दोघेही कट्टर विरोधक. भाजपने त्यांना एसटीचा दर्जा दिला आहे. पण, बकरवाल यामुळे संतापले. याचा फायदा घेण्यासाठी सर्वच पक्षांनी गुजर व पहाडी उमेदवार उभे केले.
रविंदर रैना भाजपाध्यक्ष