रत्नागिरी : शिवसेनाप्रमुखांनी जे कमावले ते उद्धव ठाकरे (Uddhav Thackeray) यांनी घालवले. उद्धव ठाकरे, तुम्ही महाराष्ट्रातील जनतेशी गद्दारी केली आहे, असा घणाघाती आरोप एकनाथ शिंदे (Eknath Shinde) गटात गेलेले माजी मंत्री रामदास कदम (Ramdas Kadam) यांनी जाहीर सभेत केला आहे. काँग्रेस-राष्ट्रवादी काँग्रेसबरोबर जाऊ नका, असे त्यांना सांगितले पण त्यांनी ऐकले नाही. एकनाथ शिंदे यांना उद्धव ठाकरे यांनी फसवले याचा मी साक्षीदार आहे, असा आरोप रामदास कदम यांनी दापोली येथील आझाद मैदानात झालेल्या जाहीर सभेत बोलताना केला. (former minister ramdas kadam criticizes uddhav thackeray and aaditya thackeray)

यावेळी व्यासपीठावर आमदार भरत गोगावले, आमदार योगेश कदम,माजी आमदार अशोक पाटील, दीप्ती निखार्गे भाजपचे केदार साठे, मकरंद म्हादलेकर, विजय जाधव, प्रदिप सुर्वे, निलेश शेठ, आदी दापोली, खेड, मंडणगड येथील पदाधिकारी व मान्यवर उपस्थित होते.

क्लिक करा आणि वाचा- आदित्य ठाकरेंच्या जाहीर सभेची तक्रार थेट मुख्यमंत्र्यांकडे, शिंदे ॲक्शन घेणार?

शिवसेना पक्षप्रमुख उद्धव ठाकरे आणि आदित्य ठाकरे यांच्यावर घणाघाती टीका करताना रामदास कदम पुढे म्हणाले की, अरे गद्दार कोण? आदित्य तू गद्दार आहेस, मला संपवण्यासाठी कारस्थान रचलेस, असा एकेरी उल्लेख करत रामदास कदम यांनी माजी मंत्री आदित्य ठाकरेंवर आरोप केला. मंत्रालयात अडीच वर्षात गेलात सगळ्यांवर अन्याय केलात. उद्धव ठाकरे तुम्ही महाराष्ट्राच्या जनतेशी गद्दारी केलीत, असा घणाघाती आरोप रामदास कदम यांनी दापोलीत केला. पर्यावरण मंत्री असताना प्लास्टिक बंदी आपण केली आणि त्याचे श्रेय घेण्यासाठी आदित्य ठाकरे पुढे येत होता, असाही आरोप आदित्य ठाकरे यांच्यावर केला.

क्लिक करा आणि वाचा- मी पालकमंत्री असताना राष्ट्रवादीत येण्यासाठी रामदास कदमांनी माझे पाय धरले होते: भास्कर जाधव

लवकरच चिपळूण गुहागरमध्येही माझ्या सभा होणार आहेत आणि आता माझ्या नादाला लागणाऱ्या सोंगड्या बाटग्या आमदार भास्कर जाधवला मी घरी बसवल्याशिवाय राहणार नाही असे थेट आव्हान रामदास कदम यांनी या सभेत दिले.

क्लिक करा आणि वाचा- खोल समुद्रात जहाज बुडू लागलं, भारतीय तटरक्षक दलाने १९ जणांना मोठ्या जिकरीने वाचवलं….



Source link

Leave a Reply

Your email address will not be published.