मुंबई : शिवसेना पक्ष प्रमुख उद्धव ठाकरे यांनी मुंबईच्या गट प्रमुखांच्या मेळाव्यात एकनाथ शिंदे यांचा गट आणि भाजपवर जोरदार हल्लाबोल केला. भाषणाच्या सुरुवातीलाच संजय राऊत यांच्या अटकेचा दाखला देत भाजपवर हल्लाबोल केला. केंद्रीय मंत्री अमित शाह यांच्यावर देखील उद्धव ठाकरेंनी जोरदार टीका केली. मुंबईवर संकट येतं त्यावेळी हे लोक कुठं असतात, आपल्याला जमीन दाखवणारांना अस्मान दाखवायचंय, असं उद्धव ठाकरे म्हणाले. ठाकरेंच्या टीकेला भाजपचे मुंबई प्रदेशाध्यक्ष आशिष शेलार यांनी प्रत्युत्तर दिलं आहे. आशिष शेलार यांनी सलग ट्विट करत ठाकरेंनी केलेल्या उत्तर दिलंय.

२६ जुलैच्या पुरात मुंबईकरच मुंबईकरांसाठी झटत होते, हे खरे आहे. पण आज त्या दाहक आठवणींचे भाषण करणारे २६ जुलैच्या पुरात आपल्या वडिलांना मातोश्रीत सोडून स्वत: पंचतारांकित हॉटेलमध्ये जाऊन बसले होते.. त्याचे काय? असा सवाल आशिष शेलार यांनी केला.

तुम्हाला बापाचा विचार विकणारी टोळी म्हणू का? आम्ही मिंधे नाही बाळासाहेबांचे खंदे:एकनाथ शिंदे

२६/११ च्या हल्ल्यात पण मुंबईकर मुंबईकरांसाठी जातपात, पक्ष न बघता मदत करत होते. नरिमन हाऊस, ताज या परिसरात आमचा कमलाकर दळवीसुद्धा मदत करत होता. आज भाषण करणारे मातोश्रीच्या बाहेर आले होते का? असा शेलार यांनी केला.

भारताच्या हातून सामना कसा निसटला, तुफानी फटकेबाजी करणाऱ्या मॅथ्यू वेडने सांगितलं रहस्य

बॅण्ड स्टँडच्या समुद्रात मुली वाहून जात असताना स्वतःचा जीव धोक्यात घालून मुलींना वाचविताना मृत्यू झालेला रमेश वाळूंज हा कार्यकर्ता भाजपाचा होता. जेव्हा त्याने केलेले धाडस चर्चेत आले तेव्हा हा आमचा कार्यकर्ता आहे असे सांगत हे घरी पोहचले, असा दावा आशिष शेलार यांनी केला.

कोरोनामध्ये देवेंद्र फडणवीस आणि एकनाथ शिंदे पीपीई घालून रुग्णालयात जाऊन रुग्णांना धीर देत होते. तेव्हा तुम्ही घरी बसला होतात. स्थलांतरीत मजूरांना अन्नधान्य वाटपापासून गरिबांना भाज्या, धान्य वाटणारे शेकडो भाजपाचे कार्यकर्ते तुम्हाला कसे दिसणार? तुम्ही घरी बसलात होतात!, असा टोला आशिष शेलार यांनी लगावला.

तुमच्या चेल्या चपाट्यांना मुंबई महापालिकेची निवडणूक घ्यायला सांगा, उद्धव ठाकरेंचं शाहांना आव्हान

मुंबईचा ताळेबंद मांडायचा झाला तर बरेच मुद्दे मांडता येतील आणि महापालिकेचा ताळेबंद मांडायचा तर सत्ताधीशांच्या भ्रष्टाचाराचे पारडे जड ठरेल. हिशेब होणारच आहेत सगळ्याचे… ते आम्ही नाही मुंबईकर करणार आहेत.मुंबई जिंकायला पंतप्रधान नरेंद्र मोदी आणि केंद्रीय गृहमंत्री अमित शाह येणार म्हणून तुम्ही ठरवलंत आणि तुम्ही आधीच घाबरून गेलात की काय? अहो, यावेळी मुंबई ही मुंबईकरांना जिंकायची आहे… भाजपा मुंबईकरांसाठी लढणार आहे!, असं आशिष शेलार म्हणाले.

मुंबईकरांना बदल हवाय… मुंबईकरांचं ठरलंय! म्हणून काही जणांचं पित्त खवळलंय!!, असं आशिष शेलार यांनी म्हटलंय.

मातोश्रीच्या आतल्या आणि बाहेरच्या सगळ्या गोष्टी सांगू, गप्प बस; राणेंचा आदित्य ठाकरेंना इशारा



Source link

Leave a Reply

Your email address will not be published.