सोशल मीडिया:पालक मुलांच्या अकाउंटची मंजुरी मध्येच काढू शकतील, अल्पवयीन मुलांच्या अकाउंटचे मॉडेल

सोशल मीडियावर अल्पवयीन मुलांचे अकाउंट उघडण्यासाठी पालकांची संमती आवश्यक असलेले मॉडेल समोर आले आहे. माहिती तंत्रज्ञान मंत्रालयातील सूत्रांच्या माहितीनुसार, १८ वर्षांपेक्षा कमी वयाच्या मुलांच्या पालकांच्या मोबाइल फोन किंवा ईमेलवर ओटीपी पाठवला जाईल. हे डिजिटल क्षेत्रात आधीच उपलब्ध असलेल्या मुलांच्या आणि पालकांच्या डिजिटल ओळखपत्रांच्या आधारे तयार केले जाईल. याद्वारे मुलांचा किंवा पालकांचा डेटा सार्वजनिक केला जाणार नाही. पालकांकडून वय आणि पडताळणीयोग्य संमतीदेखील घेतली जाऊ शकते. पालकांची संमती कायमची राहणार नाही. त्यांना वाटले की संमतीचा गैरवापर होत आहे किंवा ती फसवणुकीने घेतली आहे तर ते ही मंजुरी मागे घेऊ शकतील. डेटा संरक्षण कायदा : सोशल मीडिया कंपन्या जबाबदार असतील केंद्र सरकारने जारी केलेल्या डेटा संरक्षण कायदा २०२३ मध्ये १८ वर्षांपेक्षा कमी वयाच्या मुलांचे खाते उघडण्यासाठी पालकांची संमती घेण्याची जबाबदारी सोशल मीडिया कंपन्यांना देण्यात आली आहे. ओटीपी मॉडेल हा आतापर्यंतचा सर्वात सुरक्षित उपाय मानला जातो. एका अंदाजानुसार, देशात १८ वर्षांखालील सुमारे १५ कोटी मुले सोशल मीडियावर आहेत. शंका… पालकांचे अकाउंट तपासण्याची कोणतीही तरतूद नाही