नवी दिल्ली:Lava Upcomong Smartphone: भारतीय स्मार्टफोन कंपनी Lava ला स्वस्त स्मार्टफोन सादर करण्यासाठी ओळखले जाते. कंपनीने काही दिवसांपूर्वीच Lava Agni 5G स्मार्टफोनला लाँच केले होते. रिपोर्टनुसार, आता Lava लवकरच कमी बजेटमध्ये येणारा स्मार्टफोन लाँच करण्याच्या तयारीत आहे. या फोनची किंमत १० हजार रुपयांपेक्षा कमी असण्याची शक्यता आहे. हा फोन ४जी एलटीई सपोर्टसह येईल. रिपोर्टनुसार, Lava चा हा अपकमिंग स्मार्टफोन ग्लास बॅक पॅनेलसह येईल. ग्लास पॅनेल सर्वसाधारणपणे मिड-रेंज आणि प्रीमियम सेगमेंटच्या स्मार्टफोनमध्ये पाहायला मिळतो. डिव्हाइसमध्ये बॅक पॅनेलवर ट्रिपल रियर कॅमेरा सेटअप दिला जाईल. फोनबाबत इतर माहिती अद्याप समोर आलेली नाही. फोनच्या अधिकृत किंमत व स्पेसिफिकेशन्सबाबत कंपनीने अद्याप कोणतीही माहिती दिलेली नाही.

वाचा: Father’s Day: वडिलांना बनवा ‘टेक्नोसॅव्ही’, फादर्स डे निमित्त भेट द्या या खास स्मार्टवॉच

कंपनीने काही दिवसांपूर्वीच Lava Agni 5G ला केले आहे लाँच

Lava ने काही दिवसांपूर्वीच नवीन ५जी स्मार्टफोन लाँच केले आहे. कंपनी Lava Agni 5G ला सादर केले असून, हा कंपनीचा पहिला ५जी स्मार्टफोन आहे. यामध्ये ६.७८ इंच FHD+ LCD डिस्प्ले दिला असून, यात ९० हर्ट्ज रिफ्रेश रेटचा सपोर्ट मिळेल. स्मार्टफोनमध्ये स्पीड व मल्टी-टास्किंगसाठी MediaTek Dimensity ८१० SoC ५G SoC चा सपोर्ट मिळतो.

वाचा: Smart Band: स्वस्तात खरेदी करा फिटनेस बँड, ‘या’ कंपनीने केली किमतीत कपात, डिव्हाइसची बॅटरी लाईफ १४ दिवस

Lava Agni 5G स्मार्टफोन अँड्राइड ११ आधारित आउट ऑफ द बॉक्सवर काम करतो. यात बॅक पॅनेलवर क्वाड-कॅमेरा सेटअप दिला आहे. यात ६४ मेगापिक्सल प्रायमरी सेंसरसह ५ मेगापिक्सल अल्ट्रा-वाइड अँगल सेंसर, २ मेगापिक्सल डेप्थ सेंसर आणि २ मेगापिक्सल मॅक्रो सेंसर आहे. सेल्फी व व्हिडिओ कॉलिंगसाठी यात १६ मेगापिक्सलचा सेंसर मिळतो. फोनमध्ये पॉवर बॅकअपसाठी ३० वॉट फास्ट चार्जिंग सपोर्टसह ५००० एमएएचची बॅटरी दिली आहे. सध्या हा फोन ई-कॉमर्स साइट Amazon वर १६,९९० रुपये किंमतीत उपलब्ध आहे. दरम्यान, रिपोर्टनुसार लावा लवकरच १० हजारांच्या बजेटमध्ये नवीन फोन सादर करण्याची शक्यता आहे.

वाचा: Budget Smartphones: आकर्षक डिझाईन, जबरदस्त फीचर्स आणि बजेट किमतीत येणाऱ्या ‘या’ स्मार्टफोन्सची लिस्ट एकदा पाहाच



Source link

Leave a Reply

Your email address will not be published.