नवी दिल्ली : Deactivate UPI: डिजिटल पेमेंटचा (UPI) ट्रेंड झपाट्याने वाढला असून आता जवळ-जवळ प्रत्येकजण Digital Payment वापरत आहे. विशेष म्हणजे कोरोना काळातही, डिजिटल पेमेंट पर्याय आणि टचलेस व्यवहारांमुळे व्यवहार करण्यात मोठी मदत झाली. तेव्हापासून डिजिटल पेमेंटमध्ये तेजी आली आहे. आणि आता खरेदीपासून ते अनेक कामासाठी लोकं डिजिटल पेमेंटचाच वापर करतात. कारण मोबाइल वापरून UPI पेमेंट करणे सोपे आहे. UPI पेमेंट पर्यायासह, तुमच्या खिशात रोख ठेवण्याची गरज जवळपास संपुष्टात आली आहे.

वाचा: Gmail वरील Spam Email ने डोकेदुखी वाढवलीय ? फॉलो करा ‘या’ टिप्स, लगेच होईल काम

तुमच्या स्मार्टफोनच्या मदतीने तुम्ही मोठ्या मॉल्सपासून ते छोट्या किराणा दुकानापर्यंत खरेदी करू शकता. अशात जर कधी तुमचा मोबाईल कुठेतरी हरवला आणि तो चुकीच्या व्यक्तीच्या हाती आला तर, ते तुमचे बँक खाते देखील रिकामे करू शकते. फोन चोरीला गेल्यास किंवा हरवल्यास तुम्ही UPI खाते सहजपणे कसे निष्क्रिय करायचे आज आपण जाणून घेणार आहो.

वाचा: Budget Smartwatches: फेस्टिव्ह सिझनमध्ये गिफ्ट देण्यासाठी बेस्ट आहेत ‘या’ स्मार्टवॉचेस, किंमत २००० रुपयांपेक्षा कमी

या स्टेप्स फॉलो करा

फोन चोरीला गेल्यास किंवा हरवल्यास, सर्वप्रथम तुमच्या मोबाइल नेटवर्कच्या कस्टमर केअर एक्झिक्युटिव्हला कॉल करा आणि तुमचा मोबाइल नंबर आणि सिम त्वरित ब्लॉक करण्यास सांगा. हे तुमचा मोबाइल नंबर वापरून UPI पिन तयार करणे प्रतिबंधित करेल. सिम ब्लॉक करण्यासाठी, कस्टमर केअर एक्झिक्युटिव्ह तुम्हाला तुमचे संपूर्ण नाव, बिलिंग पत्ता, शेवटचे रिचार्ज तपशील, ईमेल आयडी इत्यादी तपशील विचारू शकतात.

पुढे, तुम्हाला तुमच्या बँकेच्या हेल्पलाइन नंबरवर कॉल करून तुमचे बँक खाते ब्लॉक करण्यास आणि UPI सेवा बंद करण्यास सांगावे लागेल. यानंतर तुम्हाला फोन हरवल्याची एफआयआर नोंदवावी लागेल, याचा वापर करून तुम्ही तुमचे सिम आणि बँकिंग सेवा नंतर पुन्हा सुरू करू शकता.

वाचा: Amazon Sale Live: १०८ MP कॅमेरासह पॅक्ड Xiaomi 11T Pro पहिल्यांदाच १० हजारांपेक्षा कमीमध्ये खरेदी करण्याची संधी



Source link

Leave a Reply

Your email address will not be published.