सायलीने एखादी पोस्ट केली आणि त्यावर ऋतुराजच्या चाहत्यांनी प्रतिक्रिया दिली नाही असं क्वचितच पाहायला मिळतं. दुसरीकडे सध्या सायली परदेशात चित्रीकरण करण्यात व्यग्र आहे. ती तिथले काही फोटोही चाहत्यांसोबत शेअर करताना दिसतेय. नुकताच सायलीने तिचा परदेशातील वडापाव खातानाचा फोटो शेअर केला होता. आता त्यावर नेटकऱ्यांनी भन्नाट कमेंट केल्या आहेत. सायलीने फोटो पोस्ट करत लिहिलं, ‘यूकेमधला श्री कृष्ण वडापाव. परदेशात येऊन वडापाव खाणं म्हणजे सुख.’ तिच्या या पोस्टवर काही ऋतुराजच्या चाहत्यांनीदेखील प्रतिक्रिया दिल्या आहेत. तिला चाहत्यांनी पुन्हा एकदा वहिनी म्हणत लिहिलं, ‘वहिनी, भाऊ इकडे फायनलमध्ये गेलाय. मॅच बघायला या लवकर इंडियामध्ये.’ आणखी एका युझरने लिहिलं, ‘एक वडापाव ऋतुराज भाऊला पण घेऊन ये.’
आणखी एका युझरने लिहिलं, ‘खूप छान वहिनी.’ तर काहींनी ऋतुराजचं नावही कमेंटमध्ये लिहिलं आहे. सायली सध्या परदेशात तिच्या ‘कैरी’ या चित्रपटाचं चित्रीकरण करण्यात व्यग्र आहे.
नाचणारी बाई तर पाहिजेच, पण… गौतमी पाटीलवर शाहीर संभाजी भगत यांची पोस्ट चर्चेत