मुंबई : मराठी टेलिव्हिजनवरील लोकप्रिय कार्यक्रम ‘कोण होणार करोडपती’चे (Kon Honar Crorepati) तिसरे पर्व सोमवारी ६ जूनपासून सुरू झालं. या कार्यक्रमाची सुरुवात होण्याच्या आधीपासूनच याची जोरदार चर्चा सुरू होती. सोशल मीडियाच्या माध्यमातून प्रमोशनदेखील सुरू होतं. दरम्यान ‘कोण होणार करोडपती’ च्या पहिल्याच आठवड्यात चाहत्यांसाठी खास सरप्राइज असणार आहे.

‘रानबाजार’साठी गुटखा खाण्याचा असा केला सराव, प्राजक्ताचा VIDEO व्हायरल

या पर्वाच्या विशेष भागात बॉलिवूडमधील प्रसिद्ध मायलेकींची जोडी उपस्थिती दर्शवणार आहे. अभिनेत्री काजोल आणि ज्येष्ठ अभिनेत्री तनुजा या दोघी ‘कोण होणार करोडपती’च्या (Kajol and Tanuja at Kon Honar Crorepati) कर्मवीर विशेष भागात दिसणार आहे. यावेळी काजोल आणि तनुजा यांच्यातील नात्याचा उलगडा झाला आहे. कोण होणार करोडपती कार्यक्रमात काजोलनं ती आईला खूप घाबरत असल्याचं सांगितलं आहे. तिचं हे बोलणं ऐकून तनुजा यांच्यासह सर्वांनाच मोठा धक्का बसला.


काय म्हणाली काजोल

लहानपणी काजोल खूप मस्तीखोर होती. आईचं काहीच ऐकायची नाही. त्यामुळे तिने आईच्या हातचा खूप मार खाल्ला आहे. काजोलची रवानगी हॉस्टेलवर केली होती. यावर सचिन यांनी काजोलला विचारलं की, ‘आईच्या हातचा कधी मार खाल्ला आहे का?’ त्यावर काजोलनं सांगितलं की, ‘खूप खाल्ला आहे…’ त्यावर तनुजा म्हणाल्या, ‘ऐकायचीच नाही ही अजिबात.’

Photos- उमेश कामतला घराची साफसफाई करताना सापडला खजिना

‘एखादी गोष्ट तिला करायला सांगितलं की ती सरळ दुर्लक्ष करायची आणि माझ्याकडे रोखून बघायची.’ त्यानंतर सचिन यांनी काजोलला विचारलं की, ‘आईला घाबरता का तुम्ही?’ काजोल उत्तर देताना सांगते की, ‘हो खूप…मला तिची खूप भिती वाटायची..’ तिचं हे उत्तर ऐकून तनुजा लगेचच म्हणाल्या की ही खोटं बोलते आहे.


कोण होणार करोडपती ६ च्या मंचावर काजोल आणि तनुजा या मायलेकींमधील नात्यामधी विविध पैलू प्रेक्षकांना बघता येणार आहेत. या भागामध्ये काजोलची वाचनाची तर तनुजाची विविध भाषा शिकण्याची आवड , निळू फुले आणि डॉ. श्रीराम लागू यांच्याबरोबर काम करण्याचा तनुजा यांचा अनुभव , काजोलच्या डोळ्यांचा किस्सा , काजोलच्या नावाची गंमत, काजोलचं मराठी बोलणं अशा अनेक गोष्टींचा उलगडा ‘कोण होणार करोडपती’च्या आजच्या विशेष भागात होणार आहे.


काजोल आणि तनुजा यांना पाहण्यासाठी तर चाहते उत्सुक आहेतच, शिवाय या पर्वातील कर्मवीर स्पेशल भागामध्ये प्रसिद्ध लेखिका, समाजसेविका सुधा मूर्ती देखील सहभागी होणार आहेत. त्यामुळे यंदाचे कोण होणार करोडपती कार्यक्रमाचं सहावं पर्व नक्कीच स्पेशल असणार आहे. याआधीच्या सीझनमध्ये कर्मवीर स्पेशल भागांमध्ये नाना पाटेकर, आनंद शिंदे, मनोज वाजपेयी, मेधा पाटकर, सयाजी शिंदे, सोनाली कुलकर्णी या मंडळींनी सहभाग घेतला होता.





Source link

Leave a Reply

Your email address will not be published.