Authored by नागिंद मोरे | Edited by प्रशांत पाटील | महाराष्ट्र टाइम्स.कॉम | Updated: Sep 19, 2022, 1:57 PM

Maharashtra Weather Today : धुळे जिल्ह्यात जोरदार पाऊस सुरु आहे. या सततच्या पावसामुळे शेतकऱ्यांनी पिकं देखील धोक्यात आली आहे. शहरातील अनेक रस्ते पाण्याखाली गेले आहेत.

 

Dhule Weather Alert
पावसाचं रौद्ररुप! घरं पाण्याखाली, रस्त्यांना नदीचं स्वरुप, शहराला चारही बाजूला पाण्याचा वेढा; पाहा VIDEO

हायलाइट्स:

  • धुळे शहरात पावसाचं तांडव
  • शहराला चारही बाजूंनी पाण्याचा वेढा
  • शेतकऱ्यांचे देखील मोठे नुकसान
धुळे : धुळे शहरासह परिसरात गेल्या काही दिवसांपासून जोरदार पाऊस सुरू आहे. तर काल सायंकाळी व रात्री देखील शहरात मुसळधार पाऊस झाला. त्यामुळे शहरातील देवपूरासह अनेक भागांमध्ये पाणीच पाणी झाले आहे. धुळे शहरातील अनेक रस्ते पाण्याखाली गेले आहेत. तर देवपुरातील लाला सरदार हायस्कूल जवळ असलेल्या सुशीनाला काठावरील अनेक घरांमध्ये पाणी शिरले आहे. त्यामुळे मोठे नुकसान झाले आहे.

आज पहाटेच्या वेळी ही स्थिती निर्माण झाल्यामुळे नागरिकांची एकच तारांबळ उडाली होती. दरम्यान आता परिसरातील नागरिकांनी एकच गर्दी केली असून पोलीस बंदोबस्त ही तैनात करण्यात आला आहे. धुळे शहरातील वलवाडी भागातील दैठणकन नगर येथे अनेक घर पाण्याखाली गेली आहेत. तसेच अनेक घरांची देखील पडझड होऊन मोठे नुकसान झाले आहे.

शिंदे-फडणवीसांच्या निर्णयावर राज ठाकरेंचा संताप; सरकारविरोधात पहिला मोठा हल्ला
हवामान विभागाकडून दिलेल्या अंदाजानुसार धुळ्यात रात्री मुसळधार पाऊस झाल्याने सर्वत्र जलमय अशी परिस्थिती झाल्याचे बघायला मिळत आहे. शहरातील देवपूर परिसरासह सकल भागांमध्ये मोठ्या प्रमाणात पाणी साचल्याने नागरिकांची एकच तारांबळ उडाली आहे. धुळे शहराचे आमदार डॉक्टर फारुख शाह तसेच भाजपचे नगरसेवक नागसेन बोरसे यांनी देवपूर भागातील सुशीनाल्यावर असलेले अतिक्रमण जेसीबीच्या सहाय्याने काढण्यात आले.

वलवाडी गावातील स्मशानभूमीपासून ते जिल्हा क्रीडा संकुलपर्यंत नाल्यामध्ये साचलेला गाळ काढण्यात यावा यासाठी सामाजिक कार्यकर्त्यांनी धुळे मनपाकडे मागणी केली होती. धुळे महानगरपालिकेने याकडे दुर्लक्ष केल्यामुळे ही परिस्थिती निर्माण झाली आहे. त्यामुळे अनेक नागरिकांच्या घराची पडझड होऊन मोठ्या प्रमाणात नुकसान झाले आहे. धुळे महानगरपालिकेने वेळेवरच सामाजिक कार्यकर्त्यांनी केलेल्या मागणीकडे लक्ष दिले असते तर आज ही परिस्थिती निर्माण झाली नसती. त्यामुळे पुढे मनपाने लवकरात लवकर वलवाडी स्मशानभूमी हे जिल्हा क्रीडा संकुल पर्यंतच्या नाल्याचे खोलीकरण करून काटेरी झुडपे काढण्यात यावी अशी मागणी आता सामाजिक कार्यकर्ते करीत आहे.

मला कारस्थानाने मुख्यमंत्री पदावरून काढले आणि राज्यपाल पदी पाठवले

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.



Source link

Leave a Reply

Your email address will not be published.