प्रसाद शिंदे, अहमदनगर : अहमदनगरमध्ये एक संतापजनक घटना घडली आहे. भारतीय सैन्य दलात कार्यरत असलेल्या एका जवानाच्या घरावर काही गावगुंडांनी हल्ला केल्याची धक्कादायक घटना उघडकीस आली आहे. गावगुंडांनी त्या जवानाला आणि त्यांच्या कुटुंबीयांना बेदम मारहाण केली. या घटनेचा व्हिडिओ व्हायरल झाला आहे.

पोलिसांनी दिलेल्या माहितीनुसार, अहमदनगर तालुक्यातील जेऊर वाघवाडी येथील राजस्थान बिकानेर ६६ मधील तोफखाना युनिटवर कार्यरत असलेल्या जवान महेश गोरक्ष वाघ यांच्यावर हा हल्ला झाला आहे. गावातील गुंडांनी हल्ला केला असून महेश वाघ हे गंभीर जखमी झाले आहेत. त्यांच्यावर जिल्हा शासकीय रुग्णालयात उपचार सुरू आहेत. जमिनीच्या वादातून हा हल्ला झाल्याचे महेश वाघ यांनी सांगितलं. लाकडी दांडक्याने आणि लोखंडी रॉडने महेश वाघ यांच्यावर हल्ला केल्याचे नातेवाईकांचे म्हणणे आहे.
खासदार शिंदे गटाचा, मतदारसंघावर डोळा चार पक्षांचा; भाजपकडूनही जागा मिळवण्याचा प्रयत्न?
वडिलोपार्जित ७९ गुंठे जागा ही महेश वाघ यांच्या वडिलांच्या नावावर आहे. सदरचा इसम त्रास देतो म्हणून महेशच्या वडिलांनी या जमिनीतून ४५.१५ फूट जागा त्याच्या नावाने करून दिली. मात्र, जमीन देऊन सुद्धा त्या इसमाने ३ गुंठ्यावर अतिक्रमण केलं आहे. याचा जाब विचारण्यासाठी गेले असता, उलट त्यांच्यावरच गावगुंडांनी हल्ला केला. याबाबत एमआयडीसी पोलीस ठाण्यात गुन्हा दाखल झाला असून पोलिस तपास करत आहेत.

करदात्यांनो द्या लक्ष! टॅक्स संदर्भात सरकारची नवीन प्लॅनिंग, TDS मध्ये मोठ्या बदलांची तयारी



Source link

Leave a Reply

Your email address will not be published. Required fields are marked *