फिटनेस हा आपल्या आयुष्यातील महत्त्वाचा भाग आहे. त्याबाबत केलेला थोडासा निष्काळजीपणा सुद्धा वजन वाढवू शकतो आणि तुम्ही एक सुस्त आणि आळशी व्यक्तीची बनू शकता. याचे जिवंत उदाहरण म्हणजे 48 वर्षीय आंचल द्विवेदी. आंचल द्विवेदी कॉलेजच्या दिवसात एक मजेदार आणि स्पोर्टी व्यक्ती होते. नवीन लोकांशी भेटणे आणि त्यांच्याशी संवाद साधणे त्यांना आवडत असे. मात्र काही कारणांमुळे त्याचे वजन 101 किलोपर्यंत वाढले. यामुळे त्यांना शरीरात कमालीचा बदल जाणवू लागला.

जणू काही हे आपले शरीरच नाही असे त्यांना वाटू लागले. मग फिटनेस पुन्हा रुळावर आणण्यासाठी त्यांनी जिम जॉईन केली. एक महिन्याच्या नियमित सेशननंतर त्यांच्या पत्नीने त्यांना हाफ मॅरेथॉनमध्ये सहभागी होण्यासाठी प्रोत्साहित केले आणि तेव्हापासून त्यांनी अनेक मॅरेथॉनमध्ये भाग घेतला. मेहनतीमुळे त्याने अवघ्या 1 वर्षात तब्बल 25 किलो वजन कमी केले. चला जाणून घेऊया आंचल द्विवेदीच्या वजन कमी करण्याच्या प्रवासाविषयी.

  • नाव – आंचल द्विवेदी
  • वय – 48 वर्षे
  • व्यवसाय- रिअल इस्टेट इनवेस्टर
  • वाढलेले वजन – 101 किलो
  • कमी केलेले वजन – 25 किलो
  • वजन कमी करण्यासाठी लागलेली वेळ – 1 वर्ष

(फोटो साभार : TOI)

टर्निंग पॉइंट

आंचल म्हणतो की मी कॉलेजमध्ये खूप चांगला स्पोर्ट्स पर्सन होतो. पण काही वर्षांनी माझ्या जीवनशैलीत खूप बदल झाल्याचे लक्षात आले. मी हसता-खेळता माणूस होतो पण आता अंतर्मुख माणूस झालो होतो. मला आता लोकांशी बोलणे आवडत नव्हते. एकटे एकटे राहायला आवडायचे, आळशीही झालो होतो. जेव्हा मी स्वत:ला आरशात पाहिले तेव्हा मला समजले की जे दिसतंय ते खरंच माझं शरीर नाहीये. मला पुन्हा निरोगी आणि आनंदी व्हायचे होते. यासाठी मी जिम जॉईन केली आणि नवीन लोकांना भेटायला सुरुवात केली. 6 महिने मी सतत व्यायाम केला. मग माझ्या पत्नीने मला माझ्या पहिल्या हाफ मॅरेथॉनसाठी साइन अप केले. 2015 ते 2021 पर्यंत, मी 6 ट्रायथलॉन्स, 4 स्पार्टन ऑब्स्टेट्रिक रेस, 2 आयर्नमॅन, 56 मील बाइक्स अशा अनेक मॅरेथॉनमध्ये भाग घेतला. मी ऑक्टोबरमध्ये आयर्नमॅन 70.3 आणि नोव्हेंबर 2022 मध्ये फुल आयर्नमॅनसाठी देखील साइन अप केले.

(वाचा :- Blood Sugar : डायबिटीजच्या रूग्णांसाठी Harvard हेल्थचा सल्ला, फक्त ‘हे’ 5 पदार्थ खाऊ नका, आयुष्यभर वाढणार नाही ब्लड शुगर..!)

डाएट

केळी, चिया सीड्स आणि ग्रॅनोलासोबत फॅट नसलेले ग्रीक दही, हिरव्या भाज्या, मिश्रित बेरीज आणि वनस्पती आधारित प्रोटिन असलेले दही. तसेच फळांसोबत ओवरनाइट ओटमील

  • दुपारचे जेवण –

भात आणि बीन्स किंवा चणे, गाजर, ऑलिव्ह ऑइल सॅलड किंवा भरपूर भाज्यांसोबत पास्ता

  • रात्रीचे जेवण –

उकडलेली अंडी, एक मोठी वाटी सॅलड आणि डाळ-भात

  • प्री-वर्कआउट जेवण –

जर वर्कआउट ४५ मिनिटांपेक्षा कमी असेल तर मी रिकाम्या पोटी व्यायाम करत असे पण जास्त वेळाच्या आणि उच्च तीव्रतेच्या वर्कआउटसाठी मी रताळ, केळी, ग्रॅनोला बार आणि एवोकॅडो टोस्ट खायचो

  • व्यायामानंतरचे मील –

प्रोटिन, फळे, भाज्या, नट्स, बदाम बटर स्मूदी, चॉकलेट मिल्क.

(वाचा :- COVID 4th wave : करोना अनब्रेकेबल..! नॉनस्टॉप 7584 लोक आजारी, कोविडची लक्षणं संपवतात ‘हे’ 5 पदार्थ..!)

वर्कआउट

आंचल सांगतो की, मी दर आठवड्याला दीड ते दोन तास आणि शनिवारी तीन तास व्यायाम करतो. सोमवार आणि शुक्रवारी स्वीमिंग, तर मंगळवार, बुधवार आणि गुरुवारी मी एचआयआयटी (HIIT), सायकलिंग आणि रनिंग यांचे कॉम्बिनेशन करतो.

(वाचा :- Drinking Water Tips : सावधान, ‘ही’ छोटीशी चूक बनू शकते लठ्ठपणाचे कारण, जेवताना पाणी पिताना आयुर्वेदानुसार पाळा हे महत्त्वाचे नियम..!)

फिटनेस सीक्रेट

वेट लॉस डाएटच्या फंदात पडू नका असे आंचलचे म्हणणे आहे. प्रक्रिया न केलेल्या अन्नपदार्थांसोबतच दररोज मॅक्रोज आणि माइक्रो न्युट्रिएंट घ्या. वजन कमी करणे हे तुमचे ध्येय असू नये. फिटनेस हे तुमचे ध्येय बनवा. ध्यान करून, थंड पाण्याने आंघोळ करून आणि दररोज व्यायाम करून ताणतणावापासून दूर आरामदायी जीवन जगण्याचा प्रयत्न करा.

(वाचा :- COVID 4th Wave : करोनाची चौथी लाट भारतात धडकली? एकाचवेळी 7240 लोक आजारी, ही 15 लक्षणे चुकूनही करू नका दुर्लक्षित..!)

स्वत:ला मोटिव्हेट कसे ठेवले

आंचलच्या मते, मी माझ्या उर्जेवर लक्ष केंद्रित करतो. मी मोठमोठी ध्येये लहान लहान स्टेप्समध्ये विभागून प्रत्येक पावलाचा आनंद साजरा करतो.

(वाचा :- Cancer Medicine : कॅन्सरच्या औषधाचा शेवटी शोध लागलाच, कॅन्सरची 18 लोक झालीत ‘या’ औषधाने बरी, इतिहासात पहिल्यांदाच..!)

ओव्हरवेट असल्याने कोणत्या समस्या आल्या

आंचल म्हणतात की वजन जास्त असल्याने माझा आत्मविश्वास कमी होऊ लागला आणि सांधे दुखू लागले होते.

  • तुम्ही जीवनशैलीत कोणते बदल केले?

आंचल म्हणतात की, मी काय खात आहे याची मला नेहमीच जाणीव असते. मी खाल्लेल्या प्रत्येक गोष्टीत काही पौष्टिक मूल्य आहेत ना.. याची मी सर्वात आधी खात्री करतो. मी माझे मॅक्रो सेवन संतुलित केले आहे आणि मायक्रोन्यूट्रिएंट्सबद्दल म्हणजेच सुक्ष्म पोषक तत्वांबाबत शिकून घेतले आहे.

(वाचा :- Vat Purnima 2022 : चहा कॉफी न पिता, हे पदार्थ खाऊन सौभाग्यवतींनी सोडावा वटपौर्णिमेला उपवास)

वेटलॉसमधून काय शिकवण मिळाली

शारीरिक बदला इतकाच मानसिक बदलही महत्त्वाचा असतो. आंचलच्या म्हणण्यानुसार, जर तुम्हाला कायमस्वरूपी बदल घडवायचा असेल तर तुम्हाला जीवनशैलीकडे खूप लक्ष देणे आवश्यक आहे.

(वाचा :- Facial Paralysis : जस्टिन बीबरला रामसे हंट सिंड्रोमची लागण, दुर्मिळ आजाराबद्दल जाणून घ्या ५ गोष्टी )

टीप – वर सांगितलेला अनुभव हा तुमच्यासाठी सुद्धा लाभदायक असेलच असे नाही. त्यामुळे वरील टिप्स जशाच्या तशा फॉलो न करता तज्ज्ञ व जाणकारांचा सल्ला घ्या आणि तुमच्या शारीरिक स्थितीनुसार योग्य डाएट आणि वर्कआउट प्लान तयार करूनच वजन कमी करण्याचा प्रवास सुरु करा.



Source link

Leave a Reply

Your email address will not be published.