नवी दिल्ली:WhatsApp Users : व्हॉट्सअॅपच्या नुकत्याच प्रसिद्ध झालेल्या मासिक अहवालतुन असे समोर आले आहे की, जून महिन्यात देशात २२ लाखांहून अधिक अकाउंट्सवर बंदी घालण्यात आली आहे. तसेच, एका वर्षात सुमारे २.६ कोटी अकाउंट्सवर बंदी घालण्यात आली असून २०१९ मध्ये जगभरात दर महिन्याला २० लाख अकाउंट्सवर बंदी घालण्यात आली होती. व्हॉट्सअॅप दररोज सुमारे ६३५०० अकाउंट्स बॅन करते. आश्‍चर्याची बाब म्हणजे, तीन वर्षांपूर्वी जगभरात जेवढे WhatsApp Accounts Ban होत होते. ते गेल्या वर्षभरात फक्त भारतातच होत आहेत. तीन वर्षांपूर्वी प्रसिद्ध झालेल्या श्वेतपत्रिकेत व्हॉट्सअॅपने सांगितले होते की त्यांच्याकडे १५० दशलक्ष Active Users आहेत आणि ते दर महिन्याला २० लाख अकाउंट्स बॅन करतात.

वाचा: Jio Plans: १५० रुपयांनी स्वस्त झाला Jio चा ३ महिने व्हॅलिडिटी देणारा प्लान, प्लानमध्ये डेली डेटासह ‘हे’ फायदे

सध्या कंपनीचे २०० कोटी युजर्स असल्याचे सांगितले जाते. कंपनीच्या भारतातील Active Users बद्दल वेगवेगळे अंदाज आहेत. ज्यामध्ये ही संख्या ३५ कोटी ते ४८ कोटी दरम्यान असल्याचे सांगितले जाते. काही वर्षांपूर्वी व्हॉट्सअॅपवर आरोप झाले होते की, अॅपचा वापर खोट्या बातम्या पसरवण्यासाठी केला जातो. यानंतर, फेब्रुवारी २०१९ मध्ये, WhatsApp नी त्यांच्या अॅपमध्ये असलेल्या सुरक्षा प्रणालीबद्दल एक श्वेतपत्र जारी केले. WhatsApp कडून दर महिन्याला सरासरी २० लाखांहून अधिक खाती बॅन केली जातात.

वाचा: काही दिवसांत घरी येईल Voter ID Card, ‘या’ लिंकवर करा अर्ज, पाहा संपूर्ण प्रोसेस

व्हॉट्सअॅप खाते कसे बॅन करते?

व्हॉट्सअॅपने म्हटले आहे की, खात्यामध्ये कोणतीही संशयास्पद अ‍ॅक्टिव्हिटी होण्यापूर्वी, WhatsApp ची सिस्टीम सहसा ते कॅप्चर करते आणि ते बंद करते. यासाठी व्हॉट्सअॅप आर्टिफिशियल इंटेलिजन्स आणि मशीन लर्निंगचा वापर करते. ज्या खात्यांची नोंदणी पूर्ण झाली आहे त्यांची वर्तणूक व्हॉट्सअॅप तपासत राहते. मेसेंजर अॅपवरील सर्व Messages एन्क्रिप्टेड असले तरीही खाते वापरण्याच्या वर्तणुकीवरूनही असे Account पकडणे शक्य आहे.

सामान्य युजर्स वेळ घेतात. पण, जर एखाद्या खात्यात फार वेगाने मेसेज पाठवले जात असतील तर त्यांची यंत्रणा ते पकडते. कंपनीने एक उदाहरण दिले की, जर एखादे WhatsApp Account ५ मिनिटांपूर्वी रजिस्टर झाले आणि १५ सेकंदात १०० मेसेज पाठवण्याचा प्रयत्न केला. तर, ते सिस्टम गैरवर्तनाच्या श्रेणीत मानले जाते.

वाचा: नवीन फोनवर अपग्रेड करण्याआधी पाहा Mid Range स्मार्टफोन्सची ही लिस्ट, फीचर्स प्रिमिअम, किंमत २५,००० पेक्षा कमी



Source link

Leave a Reply

Your email address will not be published.