अन्न व औषध प्रशासनाच्यावतीने दिवाळीच्या पार्श्वभूमीवर भेसळयुक्त अन्न पदार्थांवर कारवाई करण्याची मोहीम हाती घेतली आहे. याच कारवाईचा भाग म्हणून प्रशासनाने मालेगाव येथील मे. सी- मा मसाले प्रॉडक्ट प्रा.लि., गट नं. ४१, प्लॉट नं. ११४, गुलशन ए मदिना, मालदे शिवार, या ठिकाणी अन्न सुरक्षा अधिकारी योगेश देशमुख, यांनी धाड टाकून तपासणी केली असता त्याठिकाणी मिर्ची व मसालेचे उत्पादन सुरु होते.
तुम्ही आणलेलं लाल तिखट भेसळयुक्त तर नाही ना? FDAकडून १६ लाखांची मिरची पावडर जप्त
मिर्ची व मसाल्यामध्ये कायद्याप्रमाणे रंग वापरण्यास बंदी असूनही त्याठिकाणी मिरची पावडर व टिका मसाल्यामध्ये सिंथेटीक रंग आढळून आला. २४ हजार रुपये किमतीचा आठशे पॅकेट टिका फ्राय मसाला, कुठल्याही प्रकारचे लेबल नसलेली १ लाख ६१ हजार ४०० रुपयेकिमतीची ५३८ किलो मिरची पावडर तसेच साडेआठ किलो ७४० रुपये किमतीचा सिंथेटीक रंगाचा साठा भेसळीच्या संशयावरुन जप्त केला आहे. एकून १ लाख ८५ हजार ७४० रुपयाचा साठा जप्त करण्यात आला आहे. या प्रकरणी घेतलेले नमुने अन्न विश्लेषणासाठी पाठविण्यात आले असून अहवाल आल्यावर नियमानुसार पुढील कार्यवाही घेण्यात येणार आहे. हि कार्यवाही अन्न सुरक्षा अधिकारी योगेश देशमुख, सह आयुक्त संजय भा. नारागुडे तसेच सहायक आयुक्त (अन्न) विवेक पाटील यांच्या मार्गदर्शनाखाली करण्यात आली.
धक्कादायक: ना एक्सपायरी डेट, ना उत्पादन माहिती, नाशकात श्रीखंडासह लाखोंचे खाद्यतेल जप्त
नाशिक जिल्ह्यातील प्रत्येक अन्न उत्पादकांवर आम्ही नजर ठेवून आहोत. गेल्या अनेक दिवसांपासून या विक्रेत्याची संशयास्पद हालचाल वाटत असल्याने बुधवारी सापळा रचला. यापुढेही अशा कारवाया सुरु रहाणार आहे. नागरिकानी काही माहिती असल्यास त्यांनी कार्यालयाशी संपर्क साधावा- विवेक पाटील, सहा. आयुक्त (अन्न)