देशात पावसाळ्याचा निम्मा हंगाम उलटून गेला आहे. या काळात देशभरात चांगला पाऊस पडला आहे. आतापर्यंतच्या ट्रेंडमध्ये गेल्या १२ वर्षांमध्ये पावसाचे वितरण सर्वोत्तम राहिले. सलग दोन महिने जास्त पाऊस हेही यंदा घडले. सध्या सामान्यपेक्षा ४.१% जास्त पाऊस पडला, तर जूनमध्ये ९% जास्त आणि जुलैमध्ये ५% जास्त पाऊस पडला. २०१३ नंतर पहिल्यांदाच जून आणि जुलैमध्ये सतत सामान्यपेक्षा जास्त पाऊस पडला. हवामानतज्ज्ञांचे म्हणणे आहे की, असे क्वचितच घडते. पावसाळ्यात सर्व महिन्यांत पावसाचे वितरण सारखेच राहते. खासगी हवामान संस्था स्कायमेटचे अध्यक्ष जीपी शर्मा म्हणतात की, कधी कधी पावसाच्या बाबतीत जून चांगला असतो आणि जुलै वाईट असतो. बऱ्याचदा जेव्हा जून खराब असतो तेव्हा जुलैमध्ये जास्त पावसाने भरपाई होते. २०२५ हे २०१३ नंतरचे पहिले वर्ष आहे, जेव्हा पावसाचे वितरण चांगले राहिले आहे. उर्वरित वर्षांत जर एका महिन्यात जास्त पाऊस पडला असेल तर दुसऱ्या महिन्यात कमतरता होती किंवा दोन्ही महिन्यांत कमी पाऊस पडला असेल. जुलैमध्ये ६ कमी दाबाचे क्षेत्र तयार झाले, त्यापैकी ४ पट्ट्यांत २८ दिवस पाऊस पडला जुलै महिन्यात गेल्या दशकात सर्वाधिक कमी दाबाचे क्षेत्र निर्माण झाले. यंदा ६ कमी दाबाचे क्षेत्र तयार झाले. त्यातील ४ क्षेत्र डिप्रेशनमध्ये बदलले. कमी दाबाचे क्षेत्र ही एक हवामान प्रणाली आहे, ज्यात ढग जमतात आणि पाऊस पडतो. जेव्हा ही प्रणाली आर्द्रतेमुळे अधिक दाट होते तेव्हा त्याला डिप्रेशन म्हणतात. कमी दाबाचे क्षेत्र तयार झाल्यास एक-दोन दिवस ते आठवडाभर पाऊस पडतो. जुलैमध्ये ३१ पैकी २८ दिवस कमी दाबाचे क्षेत्र सक्रिय होते. पावसाचे वितरण असमान असते. बऱ्याचदा जास्त सरासरी पाऊस असलेल्या वर्षांतही एका महिन्यात जास्त तर दुसऱ्या महिन्यात कमी पाऊस पडतो. पुढे काय… ऑगस्टच्या पहिले १५ दिवस मान्सूनची विश्रांती शक्य
पुढील दोन महिन्यांतही सामान्यपेक्षा जास्त पाऊस पडू शकतो. ऑगस्टच्या पहिल्या दोन आठवड्यात मान्सूनची विश्रांती येऊ शकते. ही विश्रांती सुरू झाल्यापासून ८-१० दिवसांपर्यंत राहू शकते. २०२३ मध्ये १२ दिवस, २००९ मध्ये १३ दिवस आणि २००२ मध्ये १४ दिवसांचा ब्रेक होता. ऑगस्टमधील सर्वात मोठा ब्रेक १९७२ मध्ये १७ दिवसांचा होता. इशारा देशात काही ठिकाणी अतिमुसळधार पावसाचा अंदाज, तर कुठे पुराचा धोका
हवामान खात्याने येत्या आठवड्यात देशातील विविध भागात मुसळधार ते अतिमुसळधार पावसाचा इशारा दिला आहे. त्यानुसार मेघालय, उत्तर प्रदेश, बिहार, अरुणाचल, केरळ आणि तामिळनाडूत अतिमुसळधार पावसाचा अंदाज आहे, तर आसाम, उत्तराखंड व हिमाचल या तीन राज्यांमध्ये पूरस्थिती निर्माण होण्याचा इशारा देण्यात आला आहे.
