भरत ठाकूर हे देशातील एक सुप्रसिद्ध योग प्रशिक्षक आहेत जे जगभरात योग गुरू आध्यात्मिक नेते, कलाकार आणि उद्योजक म्हणून ओळखले जातात. ते आर्टिस्टिक योगाचे संस्थापकदेखील आहेत. आर्टिस्टिक योगामध्ये योगाच्या प्राचीन तंत्रांना आजच्या जीवनशैलीशी जोडलेले आहे. त्यात शक्ती, सहनशक्ती, चपळता, संतुलन आणि लवचिकता यांचा समावेश आहे. १० वर्षे हिमालयात राहिले भरत ठाकूर यांचा जन्म एका जमीनदार कुटुंबात झाला. बऱ्याच काळापासून त्यांच्या पालकांना मुले होऊ शकत नव्हती. अशा परिस्थितीत ते गुरू सुखदेव ब्रह्मचारी यांच्याकडे आशीर्वाद घेण्यासाठी गेले. गुरू सुखदेवांनी त्यांच्यासमोर एक अट ठेवली की ते त्यांना आशीर्वाद देतील, पण त्यांचे पहिले मूल काही काळ त्यांच्याकडे ठेवतील. भरतच्या पालकांनी होकार दिला आणि भरतचा जन्म त्यांच्या पहिल्या अपत्याच्या रूपात झाला. त्यानंतर त्यांना आणखी तीन मुले झाली. वयाच्या चौथ्या वर्षी गुरू सुखदेव भरत ठाकूरला सोबत हिमालयात घेऊन गेले आणि त्यांना हठयोग, अष्टांगयोग, कर्मयोग, कुंडलिनीयोग, प्राणायाम, आसन आणि ध्यान शिकवले. या काळात त्यांनी सूफीवाद, जैन धर्म आणि बौद्ध धर्माचाही अभ्यास केला. सुमारे १० वर्षांनी गुरु-शिष्य परत आले. द लिव्हिंग हिमालयीन मास्टर – टाइम्स मॅगझिन १० वर्षे हिमालयात राहून योग शिकल्याबद्दल भरत ठाकूर यांना टाइम्स मासिकाने ‘द लिव्हिंग हिमालयन मास्टर’ असे नाव दिले. त्यांनी अनेक पुस्तके देखील लिहिली आहेत. त्यांनी लिहिलेल्या पुस्तकांमध्ये… समाविष्ट आहेत. ते ‘ट्रुथ- द आर्ट ऑफ मिसिटिक्स’ नावाच्या काव्यसंग्रहाचे संगीतकार देखील आहेत. ‘तेरे नाम’ फेम अभिनेत्री भूमिका चावलासोबत लग्न भरत ठाकूर यांनी सलमान खानलाही योगा शिकवला आहे. या काळात सलमान खानने त्यांची ‘तेरे नाम’मधील सह-अभिनेत्री भूमिका चावलाशी ओळख करून दिली. भूमिकाने काही दिवस भरत यांच्याकडून योगा शिकला आणि नंतर दोघेही जवळचे मित्र बनले. सुमारे चार वर्षे डेटिंग केल्यानंतर भरत यांनी २१ ऑक्टोबर २००७ रोजी नाशिकमधील एका गुरुद्वारामध्ये भूमिकाशी लग्न केले. फेब्रुवारी २०२१ मध्ये त्यांना एक मुलगा झाला, ज्याचे नाव या जोडप्याने यश ठेवले आहे.
