आसाराम-नारायण साईच्या कट्टर अनुयायाला यूपीतून अटक:तामराज सहा राज्यांत वॉन्टेड होता, अटक टाळण्यासाठी धर्म बदलून स्टीफन बनला
गेल्या दहा वर्षांपासून फरार असलेला आसाराम आणि त्याचा मुलगा नारायण साई यांचा कट्टर अनुयायी ताम्रध्वज उर्फ तामराजला अखेर १० वर्षांनी गुजरात पोलिसांनी अटक केली आहे. आसारामविरुद्ध आवाज उठवणाऱ्या अनेक लोकांच्या हत्या आणि हत्येच्या प्रयत्नाप्रकरणी आरोपी ६ राज्यांमध्ये हवा होता. एवढेच नाही तर हरियाणा सरकारने त्याच्यावर ५० हजार रुपयांचे बक्षीसही जाहीर केले आहे. अटक टाळण्यासाठी ख्रिश्चन धर्म स्वीकारला सुरतचे पोलिस आयुक्त अनूप सिंह गेहलोत म्हणाले की, सुरत गुन्हे शाखेने तामराजला उत्तर प्रदेशातील नोएडा येथून अटक केली आहे. गुजरात, महाराष्ट्र, मध्य प्रदेश, छत्तीसगड, हरियाणा आणि उत्तर प्रदेश पोलिसांकडून आरोपीचा शोध घेतला जात होता. खरं तर, अटक टाळण्यासाठी आरोपीने आपला धर्म बदलला होता. आता तो नोएडा येथील एका मिशनरीमध्ये स्टीफन नावाने राहत होता. आसाराम-नारायण साईंविरुद्ध आवाज उठवणारे तामराजचे शत्रू होते एवढेच नाही तर तामराजने तुरुंगात आसाराम आणि नारायण साई यांना भेटण्याचा अनेक वेळा प्रयत्न केला, परंतु पकडले जाण्याच्या भीतीमुळे प्रत्येक वेळी तो अयशस्वी झाला. तो आसाराम आणि त्याचा मुलगा नारायण साई यांचा इतका कट्टर समर्थक होता की त्यांच्याविरुद्ध आवाज उठवणारा कोणीही त्याचे लक्ष्य होता. हरियाणा सरकारने ५०,००० रुपयांचे बक्षीस जाहीर केले देशभरात आसाराम आणि नारायण साई यांच्याविरुद्ध दाखल झालेल्या बलात्कार आणि मारहाणीच्या प्रकरणांमध्ये अ‍ॅसिड फेकणे, साक्षीदारांवर हल्ला करणे आणि त्यांची हत्या करणे या गुन्ह्यात सहभागी असलेला मोस्ट वॉन्टेड आरोपी ताम्रध्वज उर्फ तामराज उर्फ राज उर्फ स्टीफन (वय ३७, हरिराम शाहू यांचा मुलगा) याला सुरत शहर गुन्हे शाखेने उत्तर प्रदेशातील नोएडा शहरातून अटक केली आहे. आरोपी हा छत्तीसगडमधील राजनाथगाव जिल्ह्यातील डोंगरियांव पोलीस स्टेशन हद्दीतील बडभूम गावचा रहिवासी आहे. हरियाणा सरकारने तमराजवर ५०,००० रुपयांचे बक्षीस ठेवले होते. तामराज आणि त्याच्या टोळीविरुद्ध अनेक राज्यांमध्ये गुन्हे दाखल आसाराम-नारायण साईंवरील फास आणखी घट्ट होणार तामराजची चौकशी केल्यानंतर, तपासाची व्याप्ती वाढेल आणि आसाराम आणि नारायण साईच्या गुन्हेगारी नेटवर्कशी संबंधित आणखी लोकांना अटक केली जाऊ शकते. आसाराम आणि नारायण साई सिंडिकेटच्या इतर गुन्ह्यांबद्दल आणि गुप्त निधीबद्दल माहिती देखील मिळू शकते.