बांगलादेशने 80 धावांनी जिंकला तिसरा टी-20 सामना:वेस्ट इंडिजविरुद्ध प्रथमच क्लीन स्वीप; झाकेर अलीचे नाबाद अर्धशतक

बांगलादेशने तिसऱ्या T-20 सामन्यात वेस्ट इंडिजचा 80 धावांनी पराभव केला आहे. अशाप्रकारे बांगलादेशने 3 सामन्यांची मालिका 3-0 ने जिंकली आणि टी-20 फॉरमॅटमध्ये वेस्ट इंडिजविरुद्ध प्रथमच क्लीन स्वीप केला. किंग्स्टन येथे शुक्रवारी झालेल्या सामन्यात बांगलादेशचा कर्णधार लिटन दासने नाणेफेक जिंकून प्रथम फलंदाजी करण्याचा निर्णय घेतला. संघाने 20 षटकांत 7 बाद 189 धावा केल्या. प्रत्युत्तरात कॅरेबियन संघ 16.4 षटकांत 109 धावांवर ऑलआउट झाला. झाकेर अलीने नाबाद 72 धावा केल्या. त्याला सामनावीर म्हणून निवडण्यात आले. बांगलादेशकडून झाकेर अलीने नाबाद 72 धावा केल्या
बांगलादेशकडून झाकेर अलीने 41 चेंडूत नाबाद 72 धावा केल्या. त्याने आपल्या खेळीत 3 चौकार आणि 6 षटकार मारले. परवेझ हुसेन इमॉनने 21 चेंडूत 39 धावा केल्या. तर मेहंदी हसन मिराजने 23 चेंडूत 29 धावांचे योगदान दिले. वेस्ट इंडिजकडून रोमॅरियो शेफर्डने सर्वाधिक 2 बळी घेतले. याशिवाय अल्झारी जोसेफ, रोस्टन चेस आणि गुडाकेश मोटे यांनी 1-1 गडी बाद केला. रिशाद हाऊसेनने 3 बळी घेतले
189 धावांच्या लक्ष्याचा पाठलाग करताना वेस्ट इंडिजची सुरुवात खूपच खराब झाली. संघाच्या विकेट्स सातत्याने पडत होत्या. सलामीवीर ब्रँडन किंग शून्यावर बाद झाला. तर जॉन्सन चार्ल्सने 18 चेंडूत 23 धावांचे योगदान दिले. वेस्ट इंडिजसाठी रोमारिया शेफर्डने 27 चेंडूत सर्वाधिक 33 धावा केल्या. या खेळीत त्याने 1 चौकार आणि 3 षटकार मारले. याशिवाय यष्टीरक्षक फलंदाज निकोलस पुरनने 10 चेंडूत 15 धावा केल्या. बांगलादेशकडून रिशाद होसेनने 3 बळी घेतले. याशिवाय तस्किन अहमद आणि मेहदी हसन मिराज यांनी 2-2 बळी घेतले. तर तंजीम हसन साकिब आणि हसन महमूदला प्रत्येकी 1 बळी मिळाला. झकेर अलीच्या नाबाद अर्धशतकानंतर तो गुगलवर ट्रेंड झाला
बांगलादेशच्या झाकेर अलीने वेस्ट इंडिजविरुद्धच्या तिसऱ्या T20 सामन्यात नाबाद अर्धशतक झळकावले. यानंतर तो गुगलवर सर्च होऊ लागला आणि ट्रेंडिंगला आला. खाली Google ट्रेंड पाहा… स्रोत: Google Trend