10हून अधिक जणांचा महिलेवर सामूहिक बलात्कार:आधी मित्र, नंतर साथीदारांनी बलात्कार केला; जत्रेतून परतत होती, छत्तीसगडची घटना

छत्तीसगडच्या रायगडमध्ये एका आदिवासी महिलेवर सामूहिक बलात्कार करण्यात आला. ही महिला रक्षाबंधनाच्या दिवशी जत्रेवरून परतत असताना ही घटना घडली. आरोपींमध्ये महिलेचा एक मित्र आणि त्याच्या 10 साथीदारांचा समावेश आहे. याप्रकरणी पोलिसांनी 7 आरोपींना अटक केली आहे. हे प्रकरण पुसौर पोलीस ठाण्याच्या हद्दीतील आहे. पुसौर ब्लॉकमध्ये राहणारी 27 वर्षीय महिला काही वर्षांपासून पतीपासून वेगळी राहत होती. सोमवारी ती तिच्या ओळखीच्या लोकांसह मीना बाजार येथे गेली होती. तेथून परतत असताना एनटीपीसी लाराजवळ काही लोकांनी पकडून तिच्यावर सामूहिक बलात्कार केला. याप्रकरणी मंगळवारी एफआयआर दाखल करण्यात आला आहे. महिलेने स्वत: पोलीस ठाणे गाठून तक्रार दिली ही महिला आपल्या मित्रासोबत परतत होती. त्याने आधी बलात्कार केला. यावेळी आरोपी तरुणाचे साथीदारही आले आणि त्यांनीही महिलेवर बलात्कार केला. घटनेनंतर सर्व आरोपी तेथून पळून गेले. त्यानंतर महिलेने कसेतरी पोलीस ठाणे गाठून एफआयआर दाखल केला. विविध ठिकाणांहून 6 आरोपींना अटक एसपी दिव्यांग पटेल यांनी सांगितले की, काही आरोपींनी महिलेसोबत चुकीचे काम केले आहे. पीडितेची वैद्यकीय तपासणी करण्यात आली आहे. पीडितेची प्रकृती अजूनही सामान्य आहे. तक्रार आल्यानंतर तातडीने एक पथक तयार करण्यात आले. पथकाने आरोपींच्या लपण्याच्या ठिकाणी छापा टाकला. मंगळवारी विविध ठिकाणांहून 6 आरोपींना अटक करण्यात आली. आज आणखी एका आरोपीला अटक करण्यात आली आहे. सर्व आरोपी हे घुटकुपली, केसाईपली, छपोरा व आसपासच्या गावातील आहेत.