आगामी काळात होणाऱ्या स्थानिक स्वराज्य संस्थांच्या निवडणुकीच्या पार्श्वभूमीवर काँग्रेसला मराठवाड्यामध्ये मोठा धक्का बसला आहे. जालना जिल्ह्यातील काँग्रेसचे नेतृत्व करत असलेले माजी आमदार कैलास गोरंट्याल यांनी आज भाजपमध्ये प्रवेश केला. जालना महानगरपालिकेची स्थापना झाल्यानंतर ही पहिलीच निवडणूक असणार आहे. या निवडणुकीत जालना मनपावर पहिला महापौर भाजपचाच असेल असा विश्वास या वेळी गोरंट्याल यांनी व्यक्त केला आहे. मात्र, या माध्यमातून त्यांनी एका अर्थाने या पदावर दावा केला असल्याचे मानले जात आहे. गोरंट्याल यांच्या कुटुंबातील व्यक्तीचीच या पदावर वर्णी लावण्याचा त्यांचा प्रयत्न असल्याचे बोलले जात आहे. आम्ही हे वृत्त अपडेट करत आहोत…
