कोल्हापुरातून एक अत्यंत धक्कादायक घटना समोर आली आहे. भरधाव वेगात आलेल्या एका चारचाकीने महाविद्यालयीन विद्यार्थिनींना धडक दिली, ज्यात एका विद्यार्थिनीचा दुर्दैवी मृत्यू झाला असून तीन जणी गंभीर जखमी झाल्या आहेत. ही घटना कुरुंकली भोगावती कॉलेजच्या रिक्वेस्ट बस स्टँडजवळ घडली. अपघातात मृत्यू झालेल्या विद्यार्थिनीचं नाव प्रज्ञा दशरथ कांबळे (वय १८, रा. कौलव) असं आहे. जखमी झालेल्या इतर विद्यार्थिनींवर रुग्णालयात उपचार सुरू आहेत. या घटनेमुळे परिसरात हळहळ व्यक्त होत आहे. कोल्हापुरातील भीषण अपघातानंतर, पोलिसांनी तात्काळ कारवाई करत कारचालकासह दोन अल्पवयीन तरुणांना ताब्यात घेतले आहे. कॉलेज सुटल्यानंतर बस स्टँडवर थांबलेल्या विद्यार्थिनींच्या घोळक्यात भरधाव कार घुसल्याने हा दुर्दैवी अपघात घडला, ज्यात एका विद्यार्थिनीचा मृत्यू झाला तर तिघी गंभीर जखमी झाल्या. या घटनेनंतर घटनास्थळी तसेच सीपीआर रुग्णालयासमोर नातेवाईक आणि ग्रामस्थांची मोठी गर्दी जमली होती. पोलिस ताब्यात घेतलेल्या चालकाची कसून चौकशी करत आहेत, तसेच हा अपघात नेमका कसा घडला, याचा सखोल तपास सुरू आहे. या हृदयद्रावक घटनेमुळे परिसरात हळहळ व्यक्त होत आहे, तर जखमी विद्यार्थिनींवर उपचार सुरू आहेत. अहमदनगर-अहमदपूर महामार्गावर भीषण अपघात: एसटी बसच्या धडकेत पती-पत्नी ठार अहिल्यानगर-अहमदपूर महामार्गावरील पाटोदा येथे एका भीषण अपघातात पती-पत्नी जागीच ठार झाले आहेत. भरधाव एसटी बसने त्यांच्या दुचाकीला धडक दिल्याने हा दुर्दैवी प्रसंग घडला. अपघातात मृत्यू झालेल्यांची नावे बाळू वाईकर आणि लता वाईकर अशी आहेत. हे दाम्पत्य पाटोदा तालुक्यातील भाटेवाडी गावचे रहिवासी होते. आठवडी बाजारासाठी ते पाटोदा येथे येत असताना ग्रामीण रुग्णालयासमोर ही दुर्घटना घडली. एसटी बसच्या चाकाखाली आल्याने या दांपत्याचा दुर्दैवी अंत झाला. या घटनेने परिसरात शोककळा पसरली आहे.
