स्लो ओव्हर रेटसाठी शुभमन गिलला 12 लाखांचा दंड:गुजरातने दिल्ली कॅपिटल्सचा 7 गडी राखून केला पराभव
गुजरात टायटन्सचा कर्णधार शुभमन गिलला स्लो ओव्हर रेटसाठी १२ लाख रुपयांचा दंड ठोठावण्यात आला आहे. शनिवारी अहमदाबादमध्ये गुजरात टायटन्स आणि दिल्ली कॅपिटल्स यांच्यात डबल हेडरचा पहिला सामना खेळवण्यात आला.आयपीएलच्या नियम २.२२ अंतर्गत, गुजरात टायटन्सचा या हंगामातील स्लो ओव्हरचा हा पहिला अपराध होता. त्यामुळे कर्णधार शुभमन गिलला १२ लाख रुपयांचा दंड ठोठावण्यात आला. गुजरातने दिल्ली कॅपिटल्सचा ७ गडी राखून पराभव केला
जोस बटलरच्या ९७ धावांच्या मदतीने गुजरात टायटन्सने दिल्ली कॅपिटल्सचा ७ विकेट्सने पराभव केला. गुजरातने शनिवारी नरेंद्र मोदी स्टेडियमवर गोलंदाजी करण्याचा निर्णय घेतला. दिल्लीने ८ विकेट गमावल्यानंतर २०३ धावा केल्या. गुजरातने २० व्या षटकात केवळ ३ गडी गमावून लक्ष्य गाठले. ९७ धावा करणाऱ्या बटलरला सामनावीराचा पुरस्कार देण्यात आला.
गुजरातने हंगामातील पाचवा विजय नोंदवला, तर दिल्लीला दुसरा पराभव पत्करावा लागला. प्रसिद्ध कृष्णाने 4 बळी घेतले. बटलरने शेरफान रदरफोर्डसोबत शतकी भागीदारीही केली. या हंगामात सहाव्यांदा स्लो ओव्हर्ससाठी दंड आकारण्यात आला आहे
आयपीएल २०२५ च्या हंगामात स्लोओव्हरसाठी दंड आकारण्याची ही सहावी वेळ आहे. राजस्थान रॉयल्सना दोनदा, मुंबई इंडियन्स, LSG आणि रॉयल चॅलेंजर्स बंगळुरू आणि गुजरात टायटन्सना प्रत्येकी एकदा दंड ठोठावण्यात आला आहे.
आयपीएलने या हंगामात वारंवार ओव्हर-रेटच्या गुन्ह्यांसाठी खेळाडूंवरील बंदी काढून टाकली आहे आणि खेळातील दंडाव्यतिरिक्त फक्त डिमेरिट पॉइंट्स आणि दंड आकारला जाईल.
