बारामती, पुणे : राष्ट्रवादीचे किती मंत्री, सदस्य जेलमध्ये गेले, किती जेलमध्ये आहेत? याचा त्यांनी विचार करावा. भाजपचे चारित्र्य असे नाही. ज्या बारामती मतदारसंघाच्या विकासाचा बोलबोला आहे, तिथे प्रत्यक्षात काही भाग सोडता अन्य ठिकाणी विकासाची वाणवा.. येथे एकाच कुटुंबावर छप्परफाड सोने पडते आहे. तालुक्यातील अनेक गावांना अद्याप पाणी नाही. समतोल विकास झालेला नाही. एकाच भागात सगळ्या सुविधा निर्माण झाल्या आहेत, असे म्हणत केंद्रीय अर्थमंत्री निर्मला सितारामन ( Nirmala Sitharaman ) यांनी बारामतीच्या खासदार सुप्रिया सुळे आणि राष्ट्रवादी काँग्रेचे अध्यक्ष शरद पवार ( Sharad Pawar ) यांचे नाव न घेता जोरदार निशाणा साधला.

बारामतीत भ्रष्टाचार व घराणेशाहीविरोधात भरपूर काम करण्यासारखे आहे. ईव्हीएम आल्यापासून सगळे ठिकठाक असले तरी बुथप्रमुखांनी बोगस मतदार शोधून काढावेत. निवडणूक प्रक्रियेत लक्ष घालावे. माझ्याकडे बारामतीसह तेलंगणातील अन्य एका मतदारसंघाची जबाबदारी आहे. परंतु पक्ष जेव्हा जेव्हा सांगेन तेव्हा मी बारामतीला येणार. येथील प्रत्येकाशी वैयक्तिक नाते निर्माण करणार असल्याचे सितारामन म्हणाल्या.

बारामती भाजपचे लक्ष्य नाही; निर्मला सीतारामन यांचे स्पष्टीकरण

सितारामन यांनी राष्ट्रवादीच्या घराणेशाहीवर प्रहार केला. भाजप हा घराणेशाहीच्या विरोधात आहे. पक्षातील अनेकांनी महत्त्वाची पदे भूषवली. त्यात सर्व जाती, धर्म, पंथाचे लोक आहेत. देशात काँग्रेसने घराणेशाहीचे राजकारण केले. त्यामुळे जनतेने त्यांना नाकारले. आमचा लढा घराणेशाहीविरोधात आहे. जे पक्ष घराणेशाही चालवतात ते स्वतःच्याच घरातील लोकांना पुढे करतात. अमेठी, रायबरेलीत गेल्या ५० वर्षात झाला नव्हता एवढा समतोल विकास सध्या सुरू आहे. हे विकासाचे सूत्र लक्षात घेवून आम्ही काम करत आहोत, असे निर्मला सितारामन यांनी सांगितले.

जनतेचा विश्वास मोदींनी जिंकला; सरकारच्या कामांचे अर्थमंत्र्यांकडून कौतुक



Source link

Leave a Reply

Your email address will not be published.