लखनऊमध्ये पावसामुळे तीन मजली इमारत कोसळली:2 जणांचा मृत्यू, 10 जण ढिगाऱ्याखाली दबले; बचावासाठी NDRF-SDRF पोहोचले

लखनऊमध्ये शनिवारी संध्याकाळी एक अपघात झाला. मुसळधार पावसात ट्रान्सपोर्ट नगर येथील हरमिलाप ही तीन मजली इमारत अचानक कोसळली. घटना घडली त्यावेळी इमारतीच्या तळघरात काम सुरू होते. या अपघातात 2 जणांचा मृत्यू झाला आहे. 13 जणांना ढिगाऱ्यातून बाहेर काढण्यात आले असून त्यांना लोकबंधू रुग्णालयात दाखल करण्यात आले आहे. अजूनही काही लोक ढिगाऱ्याखाली दबले असण्याची शक्यता आहे. अपघातानंतर एकच गोंधळ उडाला. आजूबाजूचे लोक घटनास्थळी पोहोचले. ढिगाऱ्याखाली दबलेल्या लोकांना बाहेर काढण्याचा प्रयत्न केला. दरम्यान, अग्निशमन दल आणि पोलिसांना माहिती देण्यात आली. माहिती मिळताच, एनडीआरएफची एक टीम आणि एसडीआरएफची दोन टीम घटनास्थळी पोहोचली आणि बचावकार्यात गुंतली. या घटनेशी संबंधित व्हिडिओही समोर आले आहेत. अनेक कामगार जमिनीवर जखमी अवस्थेत पडलेले दिसत आहेत. मुख्यमंत्री योगी यांनी मदतकार्य जलद गतीने करण्याच्या सूचना दिल्या आहेत. ही इमारत राकेश सिंघल यांची आहे. ती त्यांनी भाड्याने दिली होती. इमारतीत अनेक कंपन्यांची गोदामे होती. शनिवारी तळघरात काम सुरू होते. यादरम्यान अचानक इमारत झुकली आणि लोकांना काही समजण्यापूर्वीच संपूर्ण इमारत कोसळली. पाहा अपघाताची छायाचित्रे… ही बातमी सतत अपडेट करत आहोत….