विम्बल्डन २०२५ च्या तिसऱ्या दिवशी कार्लोस अल्काराझने ब्रिटिश हौशी खेळाडू ऑलिव्हर टार्वेटचा ६-१, ६-४, ६-४ असा सरळ सेटमध्ये पराभव करून तिसऱ्या फेरीत प्रवेश केला. गतविजेत्या अल्काराझने जागतिक क्रमवारीत ७३३ व्या स्थानावर असलेल्या टार्वेटला फक्त दोन तास १७ मिनिटांत हरवले. अल्काराझने सलग २० सामने जिंकले आहेत, ज्यात रोम मास्टर्स, फ्रेंच ओपन आणि क्वीन्स क्लबमधील जेतेपदांचा समावेश आहे. सलग तिसऱ्यांदा विम्बल्डन जेतेपदाचे लक्ष्य अल्काराझचे लक्ष्य सलग तिसरे विम्बल्डन जेतेपद जिंकणे आहे. ब्योर्न बोर्ग, पीट सॅम्प्रस, रॉजर फेडरर आणि नोवाक जोकोविच यांनी ओपन एरामध्ये सलग तीन विम्बल्डन जेतेपद जिंकले आहेत. रॉजर फेडररने सर्वाधिक वेळा, म्हणजे ८ वेळा विम्बल्डन जेतेपद जिंकले आहे. त्याच्यानंतर पीट सॅम्प्रस आणि नोवाक जोकोविच यांनी ७-७ विम्बल्डन जेतेपद जिंकण्याचा पराक्रम केला आहे. आर्यना सबालेंकानेही आपला सामना जिंकला महिला एकेरीत, आर्यना सबालेंकाने ४८ व्या क्रमांकावर असलेल्या मेरी बोझकोवाचा ७-६ (७/४), ६-४ असा पराभव करून पुढील फेरीत प्रवेश केला. ९५ मिनिटे चाललेल्या या सामन्यात सबालेंकाने ४१ विनर्स लगावले. स्पर्धेतील चौथी मानांकित जास्मिन पाओलिनी अपसेटचा बळी ठरली स्पर्धेतील चौथी मानांकित जास्मिन पाओलिनी एका अपसेटचा बळी ठरली. जागतिक क्रमवारीत ६२ व्या क्रमांकावर असलेल्या रशियन खेळाडू कामिला राखिमोवाने तिचा ४-६, ६-४, ६-४ असा पराभव करून तिला स्पर्धेतून बाहेर काढले.
ब्रिटनच्या एम्मा रादुकानुने २०२३ ची विम्बल्डन विजेती मार्केटा वोंड्रोसोवा हिचा ६-३, ६-३ असा पराभव करून तिसऱ्या फेरीत प्रवेश केला. तिचा पुढील सामना स्पर्धेतील अव्वल मानांकित सबालेंका हिच्याशी होईल.
