लहान मुलाच्या गळ्यातील 30 हजारांची सोन्याची चैन पळवली:पुणे शहरात चार ठिकाणी जबरी चोरी

पुणे शहरात जबरी चोरीच्या घटना वाढत आहेत. एकीकडे पोलिस रस्त्यावरील गस्त वाढविल्याचे सांगतात. मात्र त्यांच्या गस्तीला जबरी चोरी करणारे चोरटे जुमानत नसल्याचे पाहायला मिळत आहे. शहरात चार ठिकाणच्या जबरी चोरीत १ लाख ४७ हजारांचा मुद्देमाल चोरीला गेला. पहिल्या घटनेत, खरेदी करुन घरी परत येणार्‍या महिलेच्या गळ्यातील १ लाख ५ हजारांचे सोन्याचे मंगळसुत्र जबरदस्तीने हिसकावल्याचा प्रकार घडला आहे. याप्रकरणी कर्वेनगर भागात राहणार्‍या ६० वर्षीय महिलेने वारजे माळवाडी पोलिस ठाण्यात तक्रार दाखल केली आहे. त्यानूसार चोरट्यावर गुन्हा दाखल करण्यात आला आहे. फिर्यादी महिला खरेदी करुन घरी परत निघाल्या होत्या. त्यावेळी कॅनल रस्त्यावरील भाजी मंडई चौका जवळ कर्वेनगर येथे आल्या असता पाठिमागून आलेल्या चोरट्याने फिर्यादी यांच्या गळ्यातील सोन्याचे मंगळसुत्र जबरदस्तीने हिसका मारुन पळविले. दुसर्‍या घटनेत, प्रार्थना करुन येणार्‍या लहान मुलाच्या गळ्यातील ३० हजारांची सोन्याची चैन पळविल्याचा प्रकार समोर आला आहे. याप्रकरणी मानाजीबाग बोपोडी भागात राहणार्‍या ३५ वर्षीय महिलेने खडकी पोलिस ठाण्यात तक्रार दिली आहे. फिर्यादी महिल्या या आई आणि आपल्या एका वर्षांच्या मुलासह खडकी येथील चर्च मध्ये गेल्या होत्या. गेटमधुन बाहेर पडताना फिर्यादी यांच्या आईने लहान मुलाला कडेवरती घेतले होते. चोरट्यांनी फिर्यादी यांच्या आजूबाजूला गर्दी करत मुलाच्या गळ्यातील ३० हजारांची सोन्याची चैक हिसकावल्याचे तक्रारीत नमुद करण्यात आले आहे. तिसर्‍या घटनेत, या एरियाचा भाई आहे म्हणत कोयत्याच्या धाकाने खिशातील ५ हजार ५०० रुपये जबरदस्तीने काढून घेतल्याचा प्रकार समोर आला आहे. याप्रकरणी भीमाशंकर बसवराज भंडारी (वय ५५, रा. मुंढवा) यांनी येरवडा पोलिस ठाण्यात तक्रार दाखल केली आहे. त्यानुसार अमोल जिवराज पिल्ले (रा. लक्ष्मीनगर येरवडा) याच्यावर गुन्हा दाखल करण्यात आला आहे. चौथ्या घटनेत, मुलीच्या गळ्यातील ६ हजार ५०० रुपयांचे सोन्याचे लॉकेट जबरदस्तीने पळविल्याचा प्रकार समोर आला आहे. याप्रकरणी चाकण भागात राहणार्‍या २८ वर्षीय महिलेने हडपसर पोलिस ठाण्यात तक्रार दाखल केली आहे. त्यानुसार शांताबाई म्हसू पवार (वय ४९, रा. मोरे वस्ती, निगडी) यांना अटक करण्यात आली आहे. तसेच त्यांच्या तीन साथिदांविरुद्ध गुन्हा दाखल करण्यात आला आहे. फिर्यादी महिला माळवाडी रस्त्यावरील आर्य रसवंती गृह हडपसर येथे मुलीसोबत थांबल्या होत्या. यावेळी महिला आरोपी शांताबाई यांनी साथिदाराच्या मदतीने फिर्यादी यांच्या मुलीच्या गळ्यातील सोन्याचे लॉकेट जबरदस्तीने पळविले. फिर्यादी महिलेने आरडाओरड केली असता उपस्थित नागरिकांनी चोरट्या महिलेला पकडून पोलिसांच्या ताब्यात दिले.

​पुणे शहरात जबरी चोरीच्या घटना वाढत आहेत. एकीकडे पोलिस रस्त्यावरील गस्त वाढविल्याचे सांगतात. मात्र त्यांच्या गस्तीला जबरी चोरी करणारे चोरटे जुमानत नसल्याचे पाहायला मिळत आहे. शहरात चार ठिकाणच्या जबरी चोरीत १ लाख ४७ हजारांचा मुद्देमाल चोरीला गेला. पहिल्या घटनेत, खरेदी करुन घरी परत येणार्‍या महिलेच्या गळ्यातील १ लाख ५ हजारांचे सोन्याचे मंगळसुत्र जबरदस्तीने हिसकावल्याचा प्रकार घडला आहे. याप्रकरणी कर्वेनगर भागात राहणार्‍या ६० वर्षीय महिलेने वारजे माळवाडी पोलिस ठाण्यात तक्रार दाखल केली आहे. त्यानूसार चोरट्यावर गुन्हा दाखल करण्यात आला आहे. फिर्यादी महिला खरेदी करुन घरी परत निघाल्या होत्या. त्यावेळी कॅनल रस्त्यावरील भाजी मंडई चौका जवळ कर्वेनगर येथे आल्या असता पाठिमागून आलेल्या चोरट्याने फिर्यादी यांच्या गळ्यातील सोन्याचे मंगळसुत्र जबरदस्तीने हिसका मारुन पळविले. दुसर्‍या घटनेत, प्रार्थना करुन येणार्‍या लहान मुलाच्या गळ्यातील ३० हजारांची सोन्याची चैन पळविल्याचा प्रकार समोर आला आहे. याप्रकरणी मानाजीबाग बोपोडी भागात राहणार्‍या ३५ वर्षीय महिलेने खडकी पोलिस ठाण्यात तक्रार दिली आहे. फिर्यादी महिल्या या आई आणि आपल्या एका वर्षांच्या मुलासह खडकी येथील चर्च मध्ये गेल्या होत्या. गेटमधुन बाहेर पडताना फिर्यादी यांच्या आईने लहान मुलाला कडेवरती घेतले होते. चोरट्यांनी फिर्यादी यांच्या आजूबाजूला गर्दी करत मुलाच्या गळ्यातील ३० हजारांची सोन्याची चैक हिसकावल्याचे तक्रारीत नमुद करण्यात आले आहे. तिसर्‍या घटनेत, या एरियाचा भाई आहे म्हणत कोयत्याच्या धाकाने खिशातील ५ हजार ५०० रुपये जबरदस्तीने काढून घेतल्याचा प्रकार समोर आला आहे. याप्रकरणी भीमाशंकर बसवराज भंडारी (वय ५५, रा. मुंढवा) यांनी येरवडा पोलिस ठाण्यात तक्रार दाखल केली आहे. त्यानुसार अमोल जिवराज पिल्ले (रा. लक्ष्मीनगर येरवडा) याच्यावर गुन्हा दाखल करण्यात आला आहे. चौथ्या घटनेत, मुलीच्या गळ्यातील ६ हजार ५०० रुपयांचे सोन्याचे लॉकेट जबरदस्तीने पळविल्याचा प्रकार समोर आला आहे. याप्रकरणी चाकण भागात राहणार्‍या २८ वर्षीय महिलेने हडपसर पोलिस ठाण्यात तक्रार दाखल केली आहे. त्यानुसार शांताबाई म्हसू पवार (वय ४९, रा. मोरे वस्ती, निगडी) यांना अटक करण्यात आली आहे. तसेच त्यांच्या तीन साथिदांविरुद्ध गुन्हा दाखल करण्यात आला आहे. फिर्यादी महिला माळवाडी रस्त्यावरील आर्य रसवंती गृह हडपसर येथे मुलीसोबत थांबल्या होत्या. यावेळी महिला आरोपी शांताबाई यांनी साथिदाराच्या मदतीने फिर्यादी यांच्या मुलीच्या गळ्यातील सोन्याचे लॉकेट जबरदस्तीने पळविले. फिर्यादी महिलेने आरडाओरड केली असता उपस्थित नागरिकांनी चोरट्या महिलेला पकडून पोलिसांच्या ताब्यात दिले.