सॅम पित्रोदांचा दावा- फोन आणि लॅपटॉप हॅक:हॅकर्सनी मागवली क्रिप्टोकरन्सी; म्हणाले- माझ्या नावाचा एकही मेल उघडू नका

इंडियन ओव्हरसीज काँग्रेसचे प्रमुख सॅम पित्रोदा यांनी दावा केला आहे की, गेल्या काही आठवड्यात त्यांचे स्मार्टफोन, लॅपटॉप आणि सर्व्हर वारंवार हॅक झाले आहेत. हॅकर्स क्रिप्टोकरन्सीमध्ये हजारो डॉलर्सची मागणी करत आहेत. पित्रोदा यांनी त्यांच्या मित्रांना आणि नातेवाईकांना ईमेलद्वारे माहिती दिली. तसेच प्रत्येकाने त्यांच्या नावाने पाठवलेल्या कोणत्याही मेलवर क्लिक करू नये, असा इशारा दिला. काँग्रेस नेते सॅम पित्रोदा हे त्यांच्या वादग्रस्त विधानांसाठी ओळखले जातात. यावर्षी ८ मे रोजी पित्रोदा यांचा एक व्हिडिओ समोर आला होता. ज्यामध्ये ते म्हणत होते की भारतात पूर्वेकडील लोक चिनी दिसतात आणि दक्षिणेकडील लोक आफ्रिकन दिसतात. या विधानानंतर 8 मे रोजी त्यांनी इंडियन ओव्हरसीज काँग्रेसच्या प्रमुखपदाचा राजीनामा दिला. जूनमध्ये या पदावर परत आले.