अमरावतीत अतिक्रमण विरोधी मोठी कारवाई:चौधरी चौक ते विलास नगर मार्गावरील 50 हातगाड्या जप्त

अमरावती महानगरपालिकेच्या अतिक्रमण निर्मूलन पथकाने आज मोठी कारवाई केली. चौधरी चौक ते विलास नगर रस्त्यावरील अतिक्रमणांविरुद्ध ही कारवाई करण्यात आली. या कारवाईत सुमारे ५० हातगाड्यांसह अनेक टपऱ्या आणि पथारीवाल्यांवर कारवाई करण्यात आली. महानगरपालिका आयुक्त तथा प्रशासक सचिन कलंत्रे यांनी अतिक्रमणांविरुद्ध कठोर भूमिका घेतली आहे. त्यांच्या निर्देशानुसार शहरातील हातगाड्या, टपऱ्या, तीनचाकी आणि चारचाकी वाहनांवर कारवाई सुरू आहे. शहर अतिक्रमणमुक्त करण्यासाठी विशेष मोहीम राबवली जात आहे. सहाय्यक आयुक्त नंदकिशोर तिखिले आणि भूषण पुसतकर यांच्या मार्गदर्शनाखाली ही मोहीम सुरू आहे. अतिक्रमण पथक प्रमुख योगेश कोल्हे, श्याम चावरे आणि उपअभियंता प्रमोद इंगोले यांच्या नेतृत्वात पाच ट्रक आणि जेसीबीसह मनपाचे कर्मचारी कारवाईत सहभागी आहेत.