भारत आणि इंग्लंड यांच्यातील अँडरसन-तेंडुलकर ट्रॉफीचा दुसरा कसोटी सामना बर्मिंगहॅम येथे खेळला जात आहे. शुक्रवारी सामन्याचा तिसरा दिवस आहे आणि दुसरे सत्र अजूनही सुरू आहे. इंग्लंडने पहिल्या डावात ५ बाद २६३ धावा केल्या आहेत. हॅरी ब्रूक आणि जेमी स्मिथ नाबाद आहेत. दोघांनी १५० पेक्षा जास्त धावांची भागीदारी केली आहे. जेमीने आपले शतक पूर्ण केले आहे. मोहम्मद सिराजने जो रूट (२२ धावा) आणि बेन स्टोक्स (०) यांना सलग चेंडूंवर बाद केले. एजबॅस्टन स्टेडियमवर सुरू असलेल्या सामन्यात इंग्लंडने सकाळी ७७/३ च्या धावसंख्येने खेळण्यास सुरुवात केली. दुसऱ्या दिवशी कर्णधार शुभमन गिल (२६९ धावा) च्या द्विशतकाच्या जोरावर भारताने पहिल्या डावात ५८७ धावा केल्या. प्लेइंग-११ इंग्लंड: बेन स्टोक्स (कर्णधार), जॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स, जेमी स्मिथ (यष्टिरक्षक), ख्रिस वोक्स, ब्रायडन कार्स, जोश टंग आणि शोएब बशीर. भारत: शुभमन गिल (कर्णधार), यशस्वी जैस्वाल, केएल राहुल, करुण नायर, ऋषभ पंत (यष्टीरक्षक), नितीश कुमार रेड्डी, रवींद्र जडेजा, वॉशिंग्टन सुंदर, आकाशदीप, मोहम्मद सिराज आणि प्रसिद्ध कृष्णा.
