CBSE ने 10वी आणि 12वीची डेटशीट जारी केली:15 फेब्रुवारी ते 4 एप्रिल दरम्यान होणार परीक्षा, 44 लाख विद्यार्थी परीक्षेला बसणार

केंद्रीय माध्यमिक शिक्षण मंडळाने (CBSE) बुधवारी रात्री उशिरा 10वी आणि 12वी बोर्डाच्या परीक्षांच्या तारखा जाहीर केल्या. 15 फेब्रुवारीपासून परीक्षा होणार आहेत. 10वीच्या परीक्षा 18 मार्चपर्यंत आणि 12वीच्या परीक्षा 4 एप्रिलपर्यंत सुरू राहणार आहेत. पहिल्यांदाच परीक्षेच्या 86 दिवस आधी वेळापत्रक जाहीर करण्यात आले आहे. याचे कारण म्हणजे यावेळी शाळांनी एलओसी म्हणजेच लिस्ट ऑफ कँडिडेट वेळेवर भरली आहे. या सत्रात 44 लाख विद्यार्थी परीक्षेला बसणार आहेत. परीक्षा सकाळी 10.30 वाजता सुरू होईल. परीक्षा नियंत्रक डॉ. सन्यम भारद्वाज म्हणाले, ‘वेळापत्रकानुसार दोन विषयांमध्ये पुरेसे अंतर देण्यात आले आहे. बारावीच्या विद्यार्थ्यांच्या प्रवेश परीक्षांच्या तारखा लक्षात ठेवल्या आहेत. प्रवेश परीक्षांपूर्वी परीक्षा चांगल्या पद्धतीने पूर्ण करण्याचा प्रयत्न करण्यात आला आहे. यामुळे विद्यार्थ्यांना बोर्ड आणि प्रवेश परीक्षांसाठी चांगल्या वेळेचे व्यवस्थापन करण्यात मदत होईल. दहावीची पहिली पेपर इंग्रजीचा
दहावीचा पहिला पेपर हा इंग्रजीचा असेल. 20 फेब्रुवारीला सायन्सचा पेपर होणार असून त्यात फक्त एक दिवसाची सुट्टी देण्यात आली आहे. तर सामाजिक शास्त्राची पेपर 25 फेब्रुवारीला होणार आहे.
10वीच्या विद्यार्थ्यांसाठी शेवटची परीक्षा 18 मार्च रोजी कंप्युटर अँप्लिकेशन, आयटी किंवा एआयसाठी असेल. बारावीचा पहिला पेपर आंतरप्रेन्योरशिप
12वीच्या विद्यार्थ्यांसाठी आंतरप्रेन्योरशिपचा पहिला पेपर 15 फेब्रुवारीला आहे. भौतिकशास्त्राची परीक्षा 21 फेब्रुवारीला तर रसायनशास्त्राची परीक्षा 27 फेब्रुवारीला होणार आहे. इंग्रजीची परीक्षा 11 मार्चला तर हिंदीची परीक्षा 15 मार्चला होणार आहे. मानसशास्त्राची शेवटची परीक्षा 4 एप्रिल रोजी होईल. आता डेटशीट डाउनलोड करण्यासाठी येथे क्लिक करा