महाराष्ट्र-मध्य प्रदेशने छत्तीसगडला जोडणाऱ्या जंगल कॉरिडॉरमधील नक्षलींचा डंप एरिया संपुष्टात:त्यांच्या केडरच्याही बैठका होताहेत बंद

महाराष्ट्रातील गडचिरोलीपासून छत्तीसगड मॅकल पर्वतरांग आणि मध्य प्रदेशच्या बालाघाट कान्हाच्या जंगलाला थेट जोडणाऱ्या वन कॉरिडॉरमधून नक्षलींनी आपला डंप एरिया संपुष्टात आणला आहे. नक्षली या भागाला आपला रेड कॉरिडॉर बनवत होते, जो एमएमसी झोनचा सर्वात सुरक्षित एरिया मानला जात आहे. तीन राज्यांतील कारवायांसाठी नक्षली येथे रेशन, कपडे, शस्त्र आणि स्फोटके लपवत होते. गेल्या काही वर्षांत छत्तीसगड-मप्र पोलिसांच्या टीमने जंगलातील ३५० हून अधिक डंप पॉइंटला ट्रेस केले आहे. येथे डंप स्फोटकांसोबत अन्य सामग्री जप्त केली. यानंतर नक्षल संघटनेने मागे हटत सर्वात सुरक्षित जंगलातून डंप एरिया नष्ट केला आहे. याशिवाय आणखी एक बदल झाला आहे. तीन राज्यांत कोणतीही घटना घडवण्यासाठी या कॉरिडॉरमध्ये बैठका होत होत्या. या बैठका ५ वर्षांपासून बंद झाल्या आहेत. अशा बैठकांचे इनपुट पोलिसांच्या गुप्तचर टीमला मिळाले नाही. जेथे इनपुट मिळाले, तेथे सुरक्षा दलाने कारवाई केली आहे. ४ राज्यांत उघडले ११ बेस कॅम्प तीन राज्यांना जोडणाऱ्या या रेड कॉरिडॉरमध्ये फोर्सने २०२० पासून २०२४ पर्यंत ११ बेस कॅम्प उघडले आहेत. यामुळे सुरक्षा दलांचा थेट हस्तक्षेप नक्षलींच्या सुरक्षित क्षेत्रासाठी झाला आहे. येथे मप्र आणि छत्तीसगडचे सुरक्षा दल संयुक्त कारवाई करतात. हे सर्व बेस कॅम्प नक्षलींचे जंगल कॉरिडॉरमध्ये ब्रेकरचे काम करतात. नक्षली सेफ झोनमध्ये बेस कॅम्प सुरू या भागांत तीन राज्यांच्या सीमेवर बेस कॅम्प सुरू आहेत. येथे छत्तीसगडसह मध्य प्रदेश आणि महाराष्ट्रचे सुरक्षा दल संयुक्त कारवाई लाँच करते. याशिवाय तीन राज्यांच्या दलात समन्वय वाढला आहे. याचा परिणाम म्हणून या कॉरिडॉरमधून नक्षलींच्या हालचाली घटल्या आहेत. याआधी होणाऱ्या बैठकाही बंद झाल्या आहेत. -दीपक झा, रेंज आयजी, राजनांदगाव