गुजरातमधील नवसारी येथे गोदामाला भीषण आग, 3 कामगारांचा मृत्यू:ट्रकमधून केमिकल बॅरल उतरवताना लिकेजमुळे लागली आग

गुजरातमधील नवसारी जिल्ह्यातील देवसर गावात शनिवारी सकाळी एका गोदामाला रासायनिक गळतीमुळे लागलेल्या आगीत तीन कामगारांचा मृत्यू झाला तर तीन जण जखमी झाले. एक कामगार बेपत्ता आहे. सकाळी नऊच्या सुमारास हा अपघात झाला. ट्रकमधून केमिकलने भरलेले बॅरल कामगार उतरवत असताना हा प्रकार घडला. दरम्यान, केमिकलच्या गळतीमुळे आग लागली आणि 6 कामगार जखमी झाले. जखमींना नवसारी सिव्हिल हॉस्पिटलमध्ये दाखल करण्यात आले आहे. पोलिसांनी गुन्हा दाखल करून पुढील कारवाई सुरू केली आहे. आजूबाजूच्या तालुक्यातून दाखल झालेल्या अग्निशमन दलाच्या पाच गाड्यांनी दोन तासांत आग आटोक्यात आणली. ट्रकमधून लागलेली आग संपूर्ण गोदामात पसरली पोलिस उपअधीक्षक (डीवायएसपी) बीव्ही गोहिल यांनी सांगितले की, ट्रकमध्ये ठेवलेल्या बॅरलमधून रसायन बाहेर पडल्याने आग लागली. प्रथम ट्रकने पेट घेतला आणि काही वेळातच आग संपूर्ण गोदामात पसरली, परिणामी तीन लोकांचा मृत्यू झाला. तीन कर्मचारी गंभीर भाजले, तर एक अद्याप बेपत्ता आहे. गोदामात कूलिंग ऑपरेशन सुरू आहे. अपघाताची इतर 5 छायाचित्रे…