36व्या पुणे फेस्टिव्हलमध्ये १०० हून अधिक चित्रकारांनी रेखाटली गणपतीची पेंटिंग्ज:ज्येष्ठ चित्रकार मुरली लाहोटी यांचा विशेष सत्कार

३६व्या पुणे फेस्टिव्हलमध्ये १०० हून अधिक चित्रकारांनी श्री गणपतीची पेंटिंग्ज रंगवून वाह वाह मिळवली. बालगंधर्व कलादालन येथे रविवारी पुणे फेस्टिव्हलचे मुख्य समन्वयक अॅड. अभय छाजेड यांच्या हस्ते दीपप्रज्वलनाने या पेंटिंग प्रदर्शनचे उद्घाटन झाले. याप्रसंगी ज्येष्ठ चित्रकार मुरली लाहोटी यांचा वयाची ८५ वर्षे पूर्ण झाल्यानिमित्त पुणेरी पगडी, शाल, श्रीफळ, मानपत्र व सन्मानचिन्ह देऊन गौरव करण्यात आला. यावेळी ज्येष्ठ शिल्पकार विवेक खटावकर, चित्रकार प्रा. मिलिंद फडके, संयोजक तुलसी आर्ट ग्रुपचे सुरेश लोणकर आणि धनश्री लोणकर मंचावर उपस्थित होते. टाळ्यांचा कडकडाट करून १०० हून अधिक चित्रकारांनी ज्येष्ठ चित्रकार मुरली लाहोटी यांना मानवंदना दिली. गणपती चित्रांचे या प्रदर्शनात अॅक्रेलिक कलर, वॉटर कलर, खडू, पेन्सिल, चारकोल इत्यादी माध्यमांचा चित्रकारांनी वापर केला आहे. यावेळी ज्येष्ठ शिल्पकार रोहन भोसले यांनी गणपतीचे शाडू माती पासून शिल्प बनवून सगळ्यांचे लक्ष वेधून घेतले. पुणे फेस्टिव्हलचे उपाध्यक्ष कृष्णकुमार गोयल यांच्या हस्ते त्यांचा सत्कार करण्यात आला. शिल्पकार विवेक खटावकर यांनी सुमारे ५ फूट उंचीचे फायबरपासून बनवलेले गणपतीचे शिल्प तेथे उभारले. प्रदर्शनाच्या ३ दिवसात नामवंत चित्रकार विविध पेंटिंग्जची प्रात्यक्षिके दाखवणार आहेत. हे प्रदर्शन ९ व १० सप्टेंबर रोजी सकाळी १०.०० ते रात्री ८.०० या वेळेत बालगंधर्व कलादालनात सर्वांसाठी विनामुल्य खुले असणार आहे. याचं बक्षीस वितरण समारंभ दि. १० सप्टेंबर रोजी सायंकाळी संपन्न होईल.

​३६व्या पुणे फेस्टिव्हलमध्ये १०० हून अधिक चित्रकारांनी श्री गणपतीची पेंटिंग्ज रंगवून वाह वाह मिळवली. बालगंधर्व कलादालन येथे रविवारी पुणे फेस्टिव्हलचे मुख्य समन्वयक अॅड. अभय छाजेड यांच्या हस्ते दीपप्रज्वलनाने या पेंटिंग प्रदर्शनचे उद्घाटन झाले. याप्रसंगी ज्येष्ठ चित्रकार मुरली लाहोटी यांचा वयाची ८५ वर्षे पूर्ण झाल्यानिमित्त पुणेरी पगडी, शाल, श्रीफळ, मानपत्र व सन्मानचिन्ह देऊन गौरव करण्यात आला. यावेळी ज्येष्ठ शिल्पकार विवेक खटावकर, चित्रकार प्रा. मिलिंद फडके, संयोजक तुलसी आर्ट ग्रुपचे सुरेश लोणकर आणि धनश्री लोणकर मंचावर उपस्थित होते. टाळ्यांचा कडकडाट करून १०० हून अधिक चित्रकारांनी ज्येष्ठ चित्रकार मुरली लाहोटी यांना मानवंदना दिली. गणपती चित्रांचे या प्रदर्शनात अॅक्रेलिक कलर, वॉटर कलर, खडू, पेन्सिल, चारकोल इत्यादी माध्यमांचा चित्रकारांनी वापर केला आहे. यावेळी ज्येष्ठ शिल्पकार रोहन भोसले यांनी गणपतीचे शाडू माती पासून शिल्प बनवून सगळ्यांचे लक्ष वेधून घेतले. पुणे फेस्टिव्हलचे उपाध्यक्ष कृष्णकुमार गोयल यांच्या हस्ते त्यांचा सत्कार करण्यात आला. शिल्पकार विवेक खटावकर यांनी सुमारे ५ फूट उंचीचे फायबरपासून बनवलेले गणपतीचे शिल्प तेथे उभारले. प्रदर्शनाच्या ३ दिवसात नामवंत चित्रकार विविध पेंटिंग्जची प्रात्यक्षिके दाखवणार आहेत. हे प्रदर्शन ९ व १० सप्टेंबर रोजी सकाळी १०.०० ते रात्री ८.०० या वेळेत बालगंधर्व कलादालनात सर्वांसाठी विनामुल्य खुले असणार आहे. याचं बक्षीस वितरण समारंभ दि. १० सप्टेंबर रोजी सायंकाळी संपन्न होईल.